New York Post «Էրդողանը Թուրքիան տանում է դեպի աղետ»

Քաղաքական11:19, 20 Օգոստոս 2018

New York Post «Էրդողանը Թուրքիան տանում է դեպի աղետ»

Ամերիկյան «New York Post» պարբերականում հրապարակվել է «Էրդողանը Թուրքիան տանում է դեպի աղետի» վերնագրով հոդված, որտեղ խոսվում է Թուրքիայի նախագահի վարած քաղաքականության, ինչպես նաև թուրք-ամերիկյան լարված հարաբերությունների մասին։

Պարբերականը գրում է, որ թուրք-ամերիկյան լարվածության տեսանելի պատճառը Թուրքիայում կալանավորված ամերիկացի հոգևորական էնդրյու Բրանսոնն է, սակայն մյուս թաքնված պատճառներից է «միապետ Էրդողոնի՝ Թուրքիան ոչնչացման ճանապարհով տանելու վճռականությունը»։

Աղբյուրը նշում է, որ Էրդողանը Թուրքիայում իշխանության եկավ տնտեսական մի շարք խոստումների հաշվին։ Գալով իշխանության՝ նա մի քանի խոստում տվեց, բայց ընդդիմադիրների հետ ունեցած տարաձայնությունները գրեթե ոչնչացրեցին նրա արած գործերը։

Անդրադարձ կատարելով Բրանսոնի գործին՝ նշվում է, որ Բրանսոնն Էրդողանի «միակ պատանդը չէ: Նրա թիրախում է նաև ԱՄՆ-ի Փենսիլվանիա նահանգում ապրող գյուլենական շարժման առաջնորդ, իսլամի, քարոզիչ, ամերիկաբնակ միլիարդատեր Փեթուլլահ Գյուլենը։ Վերջինս մեղադրվում է 2016թ. Թուրքիայի ռազմական հեղաշրջման փորձը նախաձեռնելու մեջ։

Տեղեկություններ է հաղորդվում, որ Գյուլենի հետ կապ ունենալու մեղադրանքով Թուրքիայում կալանավորվել է 50.000 մարդ, իսկ աշխատանքից հեռացվել՝ 110.000 պետծառայող։

Թուրքիայում կայացած արտահերթ խորհրդարանական և նախագահական ընտրություններից հետո Էրդողանը ավելի ամրապնդեց իր դիրքերը, սակայն վերջինիս վարած քաղաքականությունը վնաս է հասցնում Թուրքիայի տնտեսությանը։

«Շարքային քաղաքացիները տառապում են և կշարունակեն տառապել։ Մինչդեռ Էրդողանի կատարածքայլերը ցույց են տալիս, որ դա իրեն առանձնապես չի հուզում»,- եզրափակվում է հոդվածը:

Աղբյուր` Haberdar.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։