Չավուշօղլու. «ԱՄՆ-ն պետք է իմանա, որ պատժամիջոցներով և ճնշումներով Թուրքիայից չի կարող որևէ բան կորզել»

Քաղաքական10:31, 13 Օգոստոս 2018

Չավուշօղլու. «ԱՄՆ-ն պետք է իմանա, որ պատժամիջոցներով և ճնշումներով Թուրքիայից չի կարող որևէ բան կորզել»

Թուրքիայի արտաքին գործերի նախարար Մևլութ Չավուշօղլուն մեկնաբանել է թուրք-ամերիկյան լարված հարաբերությունները։ Նա մասնակցել Անկարայում կայացած դեսպանների 10-րդ համաժողովին:

Թուրք պաշտոնյան խոսել է լարված թուրք-ամերիկյան հաաբերությունների մասին։ Պնդել է, որ թեև ԱՄՆ-ն շարունակում է պատժամիջոցներ կիրառել իրենց դեմ, այնուամենայնիվ Թուրքիան ներդրումներ կատարելու համար նպաստավոր երկիր է։

«Հարկ է իմանալ, որ սպառնալիքով, ճնշմամբ և նույնիսկ պատժամիջոցներով հնարավոր չէ Թուրքիայից որևէ բան ստանալ։ Դիվանագիտությու՞ն, խնդրեմ ունենք, բանակցություննե՞ր, խնդրեմ, վարում ենք: Բայց Ճնշումները և համառությունը տեղ չունեն կոմպրոմիսային մշակույթում։ Կողմերը խոսելով են գալիս ընդհանուր հայտարարի։ Համենայնդեպս մեզ մոտ այդպես է։ Արդեն ԱՄՆ-ն էլ պետք է իմանա, որ պատժամիջոցներով և ճնշումներով Թուրքիայից չի կարող որևէ բան կորզել»,- շեշտել է Չավուշօղլուն։

Նա հույս է հայտնել, որ Միացյալ Նահանգները հավատարիմ կմնա ՆԱՏՕ-ի շրջանակներում Թուրքիայի հետ դաշնակցային հարաբերություններին։

Թուրքիայի արտգործնախարարը նաև անդրադարձել է գյուլենական շարժման առաջնորդ, ամերիկաբնակ միլիարդատեր, իսլամի քարոզիչ Ֆեթուլլահ Գյուլենի արտահանձման հարցին, ում թուրքական իշխանությունները մեղադրում են 2016թ. ռազմական հեղաշրջման փորձը նախաձեռնելու մեջ։ Նա նկատել է տվել, որ չնայած Թուրքիան բազմաթիվ ապացույցներ ներկայացրեց, այնուամենայնիվ, Գյուլենը դեռ չի արտահանձնվել թուրքական արդարադատությանը:

Հիշեցնենք, որ թուրք-ամերիկյան հարաբերությունների սրացման պատճառով ԱՄՆ-ն պատժամիջոցներ է սահմանել Թուրքիայի նկատմամբ։

Աղբյուր` Hurriyet

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։