Wall Street Journal. ԱՄՆ-ն նոր պատժամիջոցներ կարող է սահմանել Թուրքիայի նկատմամբ

Քաղաքական06:19, 09 Օգոստոս 2018

Wall Street Journal. ԱՄՆ-ն նոր պատժամիջոցներ կարող է սահմանել Թուրքիայի նկատմամբ

ԱՄՆ-ն Թուրքիայի նկատմամբ նոր պատժամիջոցներ կարող է սահմանել։ Այդ մասին հայտնում է Wall Street Journal-ի հոդվածագիր Դիոն Նիսսենբաումը։ Պատճառն այն է, որ պաշտոնական Անկարան հերթական անգամ մերժեց Թուրքիայում կալանքի տակ պահվող ամերիկացի հոգևորական Էնդրյու Բրանսոնին ազատ արձակելու ԱՄՆ-ի պահանջը։

Բրանսոնը մեղադրվում է Թուրքիայում ահաբեկչական համարվող կառույցների հետ կապ ունենալու մեջ։ Վերջերս առողջական խնդիրների պատճառով թուրքական դատարանը բանտային կալանքի փոխարեն, Բրանսոնի նկատմամբ սահմանեց տնային կալանք։ ԱՄՆ-ն դա համարեց ոչ բավարար քայլ։

Ըստ հոդվածի հեղինակի՝ այն բանից հետո, երբ ԱՄՆ-ն պատժամիջոցներ սահմանեց 2 թուրք նախարարների նկատմամբ, Միացյալ Նահանգներ մեկնեց թուրքական պատվիրակություն։ Այցի նպատակն էր, որ կողմերը համաձայնության գային Բրանսոնի հարցի շուրջ։ Սակայն նման բան տեղի չունեցավ, ինչն էլ ավելի է խորացնելու թուրք-ամերիկյան ճգնաժամը։

Հաշվի առնելով վերջին թուրք-ամերիկյան անհաջող բանակցությունները, ԱՄՆ-ի նախագահ Դոնալդ Թրամփը կարող է նոր պատժամիջոցներ սահմանել Թուրքիայի նկատմամբ։

Հեղինակը տեղեկացնում է, որ ամերիկյան կողմը թուրքական պատվիրակության հետ հանդիպման ժամանակ պահանջել է անհապաղ ազատ արձակել հոգևորականին։

Այդ բանակցությունների ընթացքում քննարկվել են նաև ԱՄՆ-ի այլ քաղաքացիների ազատ արձակման հարցը։ Դրանցից է ՆԱՍԱ-ի աշխատող ազգությամբ թուրք Սերքան Գյոլգեն։

Աղբյուր` Cumhuriyet

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։