Թուրքիայում ընդդիմադիր կուսակցության նախագահին փոխելու համար անհրաժեշտ ստորագրությունների քանակը չի ապահովվել

Քաղաքական09:57, 07 Օգոստոս 2018

Թուրքիայում ընդդիմադիր կուսակցության նախագահին փոխելու համար անհրաժեշտ ստորագրությունների քանակը չի ապահովվել

Թուրքիայի գլխավոր ընդդիմադիր Ժողովրդահանրապետական կուսակցության (ԺՀԿ-CHP) նախագահի ընտրություններ անցկացնելու համար կազմակերպված ստորագրահավաքը չի հասել իր նպատակին:

Ինչպես նախկինում նշել էինք կուսակցության ղեկավար կազմի գործունեությունից դժգոհ հատվածը նախկինում ԺՀԿ-ի նախագահի թեկնածու Մուհարրեմ Ինջեի նախաձեռնությամբ, պահանջում է արտահերթ համագումար անցկացնել, որտեղ կընտրվեր նոր նախագահ: Կուսակցության կանոնադրության համաձայն համագումար անցկացնելու համար անհրաժեշտ էր հավաքել նվազագույնը 622 ստորագրություն:

Նախօրեին Ժողովրդահանրապետական կուսակցության (ԺՀԿ-CHP) կենտրոնական գրասենյակը հայտարարությամբ է հանդես եկել, հայտնելով, որ հավաքվել է 569 ստորագրություն, որը չի բավարարում անհրաժեշտ քանակը: ԺՀԿ-ը ղեկավարությունը ասել է. «Բացարձակ մեծամասնությունը չի ապահովվել: Համագումար չի լինի»:

Օգոստոսի 2-ին համագումարի կոչով հանդես եկող ներկուսակցական ընդդիմադիր հատվածը հայտնել էր, որ հավաքվել է 630 ստորագրություն և անհրաժեշտ է համագումար անցկացնել:

Սակայն նախօրեին ԺՀԿ ղեկավարության կողմից արված հայտարարության մեջ նշվել է, որ ստորագրություների վերջնական թիվը 569 է:

ԺՀԿ կենտրոնական գրասենյակի գրավոր հայտարության մեջ մասնավորապես նշվում է. «Համաձայն մեր կուսակցության կանոնադրության 48-րդ հոդվածի, արտահերթ համագումար նշանակելու համար կուսակցության ղեկավարությանը նոտարի կողմից վավերացված ստորագրություններն հանձնելու ժամկետը այսօր, ժամը 17:00-ին ավարտվել է: Մեր կուսակցությունում գրանցված համագումարի մասնակիցների թիվը կազմում է 1242-ը, իսկ կուսակցության կանոնադրության համաձայն արտահերթ համագումար անցկացնելու համար անհրաժեշտ քանակը 622 է: Նոտարի կողմից վավերացված ստորագրություններով ընդունված դիմումների ուսումնասիրության արդյունքում պարզ է դարձել, որ վավեր դիմումների թիվը եղել է 569-ը»:

Հիշեցնենք, որ կուսակցության ընդդիմադիր հատվածը պահանջում է ՀԺԿ-ի ներսում ղեկավար կազմի, կանոնադրության, ինչպես նաև կադրային փոփոխություններ իրականացնել: Բացի այդ նրանք կուսակցության ներկայիս նախագահ Քեմալ Քըլըչդարօղլուին են մեղադրում վերջին մի քանի ընտրություններում ԺՀԿ-ի ցածր ցուցանիշների համար: Որպես ստորագրահավաքի նախաձեռնող նշվել է ԺՀԿ-ի կողմից նախագահի թեկնածու Մուհարրեմ Ինջեի անունը: Անհրաժեշտ քանակի ստորագրություն հավաքելու դեպքում 45 օրվա ընթացքում պետք է կուսակցության համաժողով հրավիրվեր, որի ընթացքում կքննարկվեր նոր առաջնորդի հարցը:

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։