Քաղաքական08:56, 07 Օգոստոս 2018
Հայոց ցեղասպանությունը ժխտող պատմաբանը հեռացել է ազգայնական կուսակցության շարքերից
Թուրքիայի ազգայնական նորաստեղծ «İYİ» կուսակցության շարքերը գնալով նոսրանում են։
Նախօրեին հայտնի է դարձել, որ հրաժարական է տվել կուսակցության հիմնադիրներից, Թուրքիայի պատմագիտական ընկերության նախկին նախագահ, Հայոց ցեղասպանությունը ժխտող, Յուսուֆ Հալաչօղլուն։
Նրա հետ միասին հեռացել են կուսակցության անդամներ Օզջան Յենիչերին և Նևզեթ Բորը։
Կազմակերպված մամուլի ասուլիսում վերոնշյալ անձինք չեն հայտնել, թե ինչ պատճառով են լքում նորաստեղծ կուսակցության շարքերը։ Նրանց խոսքերով, իրենք որևէ խնդիր չեն ունեցել կուսակցության նախագահ Մերալ Աքշեների հետ։
Նրանք նաև ասել են, որ չեն պատրաստվում որևէ այլ կուսակցության անդամագրվել։
Դրա վերաբերյալ կուսակցությունը հայտարարություն է տարածել, որում նշվել, որ հարգանքով են ընդունում իրենց կուսակիցների որոշումը։
Տեղեկացնենք, որ Հալաչօղլուն, Յենիչերին և Բորը նախկինում Թուրքիայի «Ազգայնական շարժում» (ԱՇԿ-MHP) կուսակցության անդամներ էին։ Հայտնի է, որ «İYİ» կուսակցությունը ստեղծվել է նախկին MHP-ականների կողմից։ Անձամբ Աքշեները նույնպես նախկին MHP-ական էր։
Ավելի վաղ թուրքական լրատվամիջոցները գրեցին, որ «İYİ» կուսակցության շարքերում առաջացել են տարաձայնություններ։ Կուսակցության անդամների մի մասը դժգոհ էր Աքշեներից։ Հիմնական պատճառը՝ արտահերթ ընտրություններում գրանցած արդյունքերն էին։
Այս ենթաբաժնի վերջին նորությունները
Էմինե Էրդողանը գրառման մեջ ընդգծել է երկու երկրի միջև բարեկամական հարաբերությունների կարևորությունը:
Բոցվանայի միջազգային հարաբերությունների նախարարը կմեկնի Թուրքիա և կքննարկվի Անկարայում դեսպանատուն բացելու հարցը։
Էրդողանը Վրաստանի նախագահի հետ համատեղ մամուլի ասուլիսի ընթացքում, ի թիվս այլ հարցերի, անդրադարձել է նաև մեսխեթցի թուրքերի հարցին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Յաշար Գյուլերը մամուլի ասուլիս է տվել, որտեղ անդրադարձել է Թուրքիայի համար օրակարգային հարցերի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |