Զեկույց․ Թուրքական մամուլում հայերն ամենից հաճախ թիրախավորվող էթնիկ խմբերից են

Հասարակական09:11, 06 Օգոստոս 2018

Զեկույց․ Թուրքական մամուլում հայերն ամենից հաճախ թիրախավորվող էթնիկ խմբերից են

Ստամբուլում գործող Հրանտ Դինքի հիմնադրամը հրապարակել է տարբեր էթնիկ և կրոնական խմբերի դեմ թուրքական մամուլում ատելության դրսևորումների վերլուծությանը նվիրված իր հերթական զեկույցը։

Ըստ այդմ՝ 2018թ․ հունվար – ապրիլ ամիսներին թուրքական մամուլում 76 տարբեր խմբերի նկատմամբ ատելություն ու թշնամանք պարունակող 3076 հայտարարություն է արձանագրվել։

Նշված ժամանակահատվածում հրապարակվել է էթնիկ և կրոնական խմբերին թիրախավորող 2265 հոդված և լուր։

Թուրքական լրատվամիջոցների թիրախում ամենից հաճախ հայտնվել են հայերը, հույները, հրեաները։

Նշված չորս ամիսների ընթացքում թուրքական մամուլում հայերը հիմնականում

- Թիրախավորվել են հայ –ադրբեջանական հակամարտության վերաբերյալ հրապարակումներում,

- Պիտակավորվել են որպես բռնությունների հակված էթնիկ խումբ,

- Մեղադրվել են Թուրքիայի համար «թշնամի» հռչակված խմբերին կամ անհատներին թիկունքից աջակցություն ցուցաբերելու մեջ,

- Հայկական ԱՍԱԼԱ-ն հիշատակվել է Թուրքիայում ահաբեկչական խմբավորում համարվող «Քուրդիստանի բանվորական» կուսակցության (PKK - ՔԲԿ) հետ համատեղ՝ որպես ահաբեկչության աղբյուր։

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։