Թուրքիայի և ԱՄՆ արգործնախարարները պայմանավորվել են քայլեր ձեռնարկել խնդիրների լուծման համար

Քաղաքական09:51, 03 Օգոստոս 2018

Թուրքիայի և ԱՄՆ արգործնախարարները պայմանավորվել են քայլեր ձեռնարկել խնդիրների լուծման համար

Թուրքիայի արտգործնախարար Մևլյութ Չավուշօղլուն Հարավարևելյան Ասիայի երկրների ընկերակցության՝ ԱՍԵԱՆ-ի արտգործնախարարների 51-րդ հանդիպման շրջանակում հանդիպումներ է ունեցել ՌԴ և ԱՄՆ արտգործնախարարներ Սերգեյ Լավրովի և Մայք Պոմպեոյի հետ։

Պոմպեոյի հետ հանդիպման ավարտից հետո լրագրողներին տված հարցազրույցում, Չավուշօղլուն ասել է, որ երկրների միջև կարող են լինել տարաձայնություններ , սակայն Թուրքիան խնդիրները լուծելու համար որդեգրել է դիվանագիտական, երկխոսության, փոխադարձ համաձայնության ճանապարհով լուծելու մոտեցումը։

«Սկզբից ևեթ ասացինք, որ որևէ արդյունքի չեն հասնի՝ սպառնալիքի լեզվով և պատժամիջոցների կիրառմամբ։ Այսօր նույնը կրկնեցինք և կարծում ենք, որ դա շատ լավ ընկալվեց: Մայք Պոմպեոյի հետ մեր հանդիպման ընթացքում քննարկեցինք, թե ինչպես ենք լուծելու առկա խնդիրները և ինչ քայլեր ենք միասին ձեռնարկելու։ Այս իմաստով կարող եմ ասել, որ հանդիպումը ծայրաստիճան կառուցողական էր։ Իհարկե, չի կարելի սպասել, որ մեկ հանդիպումով անմիջապես կլուծվեն այս խնդիրները, բայց խնդիրների լուծման համար նաև սրան հաջորդող գործընթացում համաձայնության եկանք՝ սերտ համագործակցության, երկխոսության, սերտ աշխատանքի շուրջ։ Երբ յուրաքանչյուրս վերադառնա իր երկիր, կշարունակենք համատեղ քայլեր ձեռնարկել և աշխատել»,- ասել է Չավուշօղլուն:

Աղբյուր` AA.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։