Թուրքիայի և ԱՄՆ միջև լարվածությունը խորանում է. Չավուշօղլուի կոշտ արձագանքը

Քաղաքական06:46, 27 Հուլիս 2018

Թուրքիայի և ԱՄՆ միջև լարվածությունը խորանում է. Չավուշօղլուի կոշտ արձագանքը

Թուրքիայի արտգործնախարարի մամուլի խոսնակ Համի Աքսոյը պատասխանել է ԱՄՆ-ի նախագահի և փոխնախագահի` Թուրքիային ուղղված սպառնալից հայտարարություններին առ այն, որ եթե Թուրքիան ազատ չարձակի կալանավորված ամերիկացի հոգևորական Էնդրյու Բրանսոնին, ապա Վաշինգտոնը պատժամիջոցներ է կիրառելու Անկարայի նկատմամբ:
Թուրքիայի ԱԳՆ կողմից արված հայտարարության մեջ մասնավորապես ասվում է.
«Թուրքիան ինքնիշխան պետություն է, որն ունի օրենքի գերակայության վրա հիմնված և խորը արմատներ ունեցող ժողովրդավարական ավանդություն և քաղաքական համակարգ: Թուրքիային ոչ ոք չի կարող հրաման տալ և սպառնալ: Մեզ հետ սպառնալիքների լեզվով խոսելը անընդունելի է»:

ԱՄՆ-ին հայտարարություններին կոշտ է արձագանքել նաև նախարար Մևլյութ Չավուշօլուն: Վերջինս իր թվիթերում գրել է. «Ոչ ոք չի կարող մեզ հրահանգներ տալ: Ոչ ոքի սպառնալիքների առաջ չենք խոնարհվի: Օրենքներն էլ վերաբերում են բոլորին առանց բացառության»:

Հիշեցնենք, որ Բրանսոնը Թուրքիայում մեղադրվում է ահաբեկչական կառույցների հետ կապ ունենալու մեջ։ Նա երկար ժամանակ Թուրքիայում կալանավորված է։ Դատարանի վերջին որոշմամբ՝ առողջական խնդիրների պատճառով նրա նկատմամբ բանտային կալանքի փոխարեն սահմանվել է տնային կալանք։ Բրանսոնին սպառնում է 35 տարվա ազատարզկում։ Ամերիկացի պաշտոնյաները Թուրքիային հորդորում են ազատ արձակել հոգևորականին։

Աղբյուր` Sabah

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։