Կանադացի լրագրող. «PKK-ի զինյալներն օգտագործում են կանադական ինքնաձիգներ»

Քաղաքական09:09, 25 Հուլիս 2018

Կանադացի լրագրող. «PKK-ի զինյալներն օգտագործում են կանադական ինքնաձիգներ»

Կանադական «National Post», «Montreal» և «Ottawa Citizen» պարբերականներում հրապարակվել է կանադացի սյունակագիր Դեվիդ Փուգլիեսի՝ «Ահաբեկիչների ձեռքում կանդական արտադրության զենք է հայտնվել» վերնագրով հոդվածը։

Փուգլիեսը, ահաբեկիչներ ասելով, նկատի է ունեցել «Քուրդիստանի բանվորական կուսակցությանը» (ՔԲԿ-PKK) զինյալներին:

Ըստ հոդվածագրի՝ սույն թվականի ապրիլին թուրք ուժայինները Թուրքիայի Մարդին նահանգում քուրդ զինյալների դեմ գործողություններ իրականացնելիս առգրավել էին զենքեր, որոնց թվում եղել են նաև կանադական արտադրության «NEA-15» տիպի ինքնաձիգներ։ Նշվում է, որ Թուրքիայի համապատասխան կառույցներն այդ մասին իրազեկել են Կանադային։

Սյունակագրի տեղեկություններով՝ այդ զենքն արտադրվում է Կանադայի Օնտարիո նահանգում «North Eastern Arms-NEA» ընկերության կողմից: Վերջինի ներկայացուցիչը հայտնել է, որ զենքի վաճառքն իրականացվել է Կանադայի դաշնային կառավարության թույլտվությամբ։ Հոդվածում նշվում է, որ կանադական ընկերությունը 2016թ. զենք է մատակարարել նաև Հյուսիսային Իրաքի քրդական ուժերին:

Թուրքիայի պետական «Անադոլու» լրատվական գործակալությունը թեմայի առնչությամբ մեկնաբանություն է վերցրել Կանադայում Թուրքիայի արտակարգ և լիզոր դեսպան Սելչուկ Ունալից: Վերջինը հայտնել է, որ հարցի շուրջ թուրքական կողմը քննարկումներ է անցկացնում կանադացի պաշտոնյաների հետ։

Իսկ Կանադայի արտգործնախարարության պաշտոնյաներից Ջոն Բեբքոքը հայտարարել է, որ գործի վերաբերյալ իրականացվում է հետաքննություն։

Աղբյուր` Haberler

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։