ԱՄՆ-ն ու Թուրքիան նորից կքննարկեն Գյուլենի արտահանձման հարցը

Քաղաքական12:29, 11 Հուլիս 2018

ԱՄՆ-ն ու Թուրքիան նորից կքննարկեն Գյուլենի արտահանձման հարցը

ԱՄՆ-ից Թուրքիա է մեկնելու պատվիրակություն, որը թուրքական կողմի հետ քննարկելու է գյուլենական շարժման առաջնորդ, իսլամի քարոզիչ, ամերիկաբնակ միլիարդատեր Ֆեթթուլահ Գյուլենի արտահանձման հարցը։ Վերջինս Թուրքիայի իշխանությունների կողմից մեղադրվում է 2016թ. հուլիսի 15-ի ռազմական հեղաշրջման փորձը նախաձեռնելու մեջ։

ԱՄՆ-ի պատվիրակությունը նաև քննարկելու է ամերիկացի հոգևորական Էնդրյու Բրյունսոնի հարցը, ով գյուլենական համայնքի հետ կապ ունենալու մեղադրանքով բանտարկված է Թուրքիայում: Նրան սպառնում է 22 տարվա ազատազրկում։

Թուրքիայի իշխանությունները արդեն 2 տարուց ավել պահանջում են, որ Միացյալ Նահանգներն իրենց արտահանձնեն Գյուլենին։ Սակայն վերոնշյալ պահանջը չի բավարարվել առ այսօր։

Հիշեցնենք, որ 2016-ի հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ էր կատարվել, որը, սակայն, հուլիսի 16-ի դրությամբ արդեն լիովին ճնշվել էր: Օդուժի կիրառմամբ իրագործված հեղաշրջման փորձի հետևանքով, ըստ պաշտոնական տվյալների, եղել էր 248 զոհ և 2.196 վիրավոր:

Աղբյուր` Haberler

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։