Մանբիչի շուրջ համաձայնությունը կարևոր քայլ էր ԱՄՆ-ի և Թուրքիայի միջև

Քաղաքական05:34, 03 Հուլիս 2018

Մանբիչի շուրջ համաձայնությունը կարևոր քայլ էր ԱՄՆ-ի և Թուրքիայի միջև

Թուրքիայի և ԱՄՆ-ի նախագահները մեծ կարևորություն են տալիս թուրք-ամերիկյան հարաբերությունների կարգավորմանը։ Այդ մասին հայտնել է Թուրքիայում ԱՄՆ-ի հարցերով ժամանակավոր հավատարմատար Ֆիլիպ Քոսնեթը։ Վերջինս նշել է, որ այդ հարցը առաջնահերթություն է թե՛ Վաշինգտոնի, թե՛ Անկարայի համար։

Ամերիկացի պաշտոնյան թուրք-ամերիկյան հարաբերությունների կարգավորման ճանապարհին կարևոր քայլ է համարել Սիրիայի Մանբիչ քաղաքի շուրջ թուրք-ամերիկյան համաձայնությունը։ Ըստ դրա՝ Սիրիայի քրդական ուժերը, որոնց Անկարան ահաբեկչական է համարում, պետք է դուրս գան քաղաքից։

Նա ընդգծել է, որ Մանբիչի հարցում այժմ երկու երկրների դիվանագիտական և ռազմական ներկայացուցիչները մշտական կապի մեջ են։

Քոսնեթը հաստատել է, որ Մանբիչը պետք է հանձնվի տեղի բնակչությանը։

Նա նաև նշել է, որ թուրք-ամերիկյան հարաբերությունների կարգավորման համար Թուրքիայում պետք է ազատ արձակվի ամերիկացի հոգևորական Էնդրյու Բրունսոնը, ինչպես նաև ԱՄՆ-ի այլ քաղաքացիներ։ Վերջիններս մեղադրվում են Թուրքիայում ահաբեկչական համարվող գյուլենական համայնքի հետ կապեր ունենալու մեջ։ Ըստ Քոսնեթի՝ կարևոր է նաև, որ Թուրքիայում վերացվի արտակարգ դրությունը։

Հիշեցնենք, որ Մանբիչը նախկինում գտնվում էր Սիրիայի քրդական ուժերի վերահսկողության տակ:

Աղբյուր` Haber.sol

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։