Թուրքիան ԵՄ-ին մեղադրել է երկերեսության և անարդարության մեջ

Քաղաքական12:50, 27 Հունիս 2018

Թուրքիան ԵՄ-ին մեղադրել է երկերեսության և անարդարության մեջ

Հունիսի 26-ին Լյուքսեմբուրգում կայացած Եվրամիության (ԵՄ) անդամ երկրիների արտգործնախարարների և ԵՄ-ի հարցերով նախարարների ժողովից հետո հայտարարություն է հրապարակվել և որոշում ընդունվել Թուրքիայի վերաբերյալ։

Ըստ դրա՝ ներկա փուլում Թուրքիայի եվրաինտեգրման գործընթացը փակուղի է մտել, իսկ Թուրքիայի և ԵՄ-ի միջև գոյություն ունեցող մաքսային պայմանագիրն առայժմ չի ընդլայնվելու։

Մաքսային պայմանագիրը չընդլայնելու հիմնական պատճառը այն է, որ Թուրքիան աստիճանաբար ավելի է օտարվում եվրապական արժեքներից։

ԵՄ-ի հայտարարությունը խիստ դժգոհություն է առաջացրել Թուրքիայում։ Թեմային արձագանքել է Թուրքիայի արտգործնախարարությունը։

«Հունիսի 26-ի ԵՄ-ի ժողովի ժամանակ ընդունված որոշումներով մեկ անգամ ևս ի ցույց դրվեց այդ կառույցի կողմից մեր երկրի հարցում ունեցած կանխակալ և անարդար դիրքորոշումը։ Նման որոշումները չեն կարող վնաս հասցնել մեզ այն դեպքում, երբ մենք ԵՄ-ի անդամ դառնալու թեկնածու երկիր ենք»,- ասված է նախարարության հայտարարությունում։

Թուրքիայի արտգործնախարարությունը ԵՄ-ին զգուշացրել է, որ եվրաինտեգրման ճանապարհին չի ընդունի ոչ մի նոր պայման և հավելել. «ԵՄ-ի այս դիրքորոշումը, որտեղ մեզ ներկայացնում են որպես եվրաինտեգրման գործընթացից հեռացող երկիր, երկերեսության դրսևորում է»։

Աղբյուր` Dogan

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։