Իրաքի վարչապետը քուրդ զինյալներին կոչ է արել զենքերը վայր դնել

Տարածաշրջան11:16, 27 Հունիս 2018

Իրաքի վարչապետը քուրդ զինյալներին կոչ է արել զենքերը վայր դնել

Իրաքի վարչապետ Հայդար Իբադին կոչ է արել «Քուրդիստանի բանվորական կուսակցության» (ՔԲԿ-PKK) զինյալներին զենքը վայր դնել և չխաթարել իրենց երկրի անվտանգությունը։

Ի դեպ, Իրաքում է գտնվում քուրդ զինյալների գլխավոր ռազմաբազան՝Քանդիլը, որտեղ այժմ Թուրքիայի զինված ուժերը ռազմական գործողություններ են իրականացնում։

«Կառավարության նիստի ժամանակ մանրամասն քննարկել ենք թուրք-իրաքյան և իրաք-սիրիական սահմաններին տիրող իրավիճակը։ Գիտենք, որ Քանդիլում թեժ իրավիճակ է։ Այնտեղ իրականում բնականոն կյանք համարյա թե չկա։ Ոչ մի ուժ իրավունք չունի օգտագործել մեր տարածքը Թուրքիային հարվածելու համար։ Մենք ցանկանում ենք, որ զինված խմբերը (խմբ-PKK) վայր դնեն իրենց զենքերը»,-ասել է Իբադին։

Հիշեցնենք, որ «Քուրդիստանի բանվորական կուսակցությունը» հիմնադրվել է 1978թ. նոյեմբերի 27-ին Թուրքիայի Դիարբեքիր նահանգում: Կուսակցության հիմնադիրն Աբդուլլահ Օջալանն է: Նա այժմ ցմահ ազատազրկված է Թուրքիայի Իմրալը կղզու բանտում։ PKK-ն Թուրքիայում պաշտոնապես համարվում է ահաբեկչական կազմակերպություն:

Աղբյուր` Turkiyegazetesi

Այս ենթաբաժնի վերջին նորությունները

14:36, 21 հուլ

Էրդողան. «Զանգեզուրի միջանցքը կդառնա համաձայնության խորհրդանիշ»

Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։

13:25, 21 հուլ

Hurriyet. «Իսրայելի թիրախը Թուրքիան է»

Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։