Ավստրիայում Էրդողանին ձայն տված թուրքերին կոչ են անում լքել երկիրը

Քաղաքական09:32, 26 Հունիս 2018

Ավստրիայում Էրդողանին ձայն տված թուրքերին կոչ են անում լքել երկիրը

Ավստրիայի «Ազատություն» կուսակցության անդամ Յոհան Գուդենուսը հայտարարություն է արել Թուրքիայում տեղի ունեցած արտահերթ նախագահական և խորհրդարանական ընտրությունների վերաբերյալ։

Գունդենուսը Ավստրիայում ապրող և Թուրքիայի նախագահ Ռեջեփ Թայիփ Էրդողանին ձայն տված թուրքերին կոչ է արել լքել իրենց երկրի սահմանները։

Նա մասնավորապես ասել է.

«Ավելի լավ կլինի, որ նրանք գնան Թուրքիա»։

Նա նշել է, որ Էրդողանի վերընտրվելը դրական դեր չի խաղա Ավստրիայում թուրքերի ինտեգրման գործընթացին։

Թուրքական աղբյուրները սկանդալային են որակել վերոնշյալ հայտարարությունը։

Թուրքական «Anadolu» լրատվական գործակալության համաձայն՝ Ավստրիայում Թուրքիայի արտահերթ նախագահական ընտրություններին մասնակցելու իրավունք ունեցած թուրքերի 72.3 տոկոսը քվեարկել է Էրդողանի օգտին։ Իսկ արտահերթ խորհրդարանական ընտրություններում՝ Թուրքիայի իշխող «Արդարություն և զարգացում» (ԱԶԿ-AKP) կուսակցությունը Ավստրիայում ստացել է 62.5 տոկոս ձայն։

Հիշեցնենք, որ հունիսի 24-ին կայացած ընտրությունների նախնական տվյալներով՝ Թուրքիայի նախագահ Ռեջեփ Թայիփ Էրդողանը վերընտրվել է իր պաշտոնում, իսկ նրա ղեկավարած «Արդարություն և զարգացում» (ԱԶԿ-AKP) կուսակցությունը հաղթել է խորհրդարանական ընտրություններում։

Աղբյուր` Haberler, Anadolu

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։