Ամերիկյան մամուլի անդրադարձը Թուրքիայի արտահերթ ընտրություններին

Քաղաքական07:20, 25 Հունիս 2018

Ամերիկյան մամուլի անդրադարձը Թուրքիայի արտահերթ ընտրություններին

Ամերիկյան մամուլը և հեռուստաալիքներն ուշադրության կենտրոնում են պահել հունիսի 24-ին Թուրքիայում տեղի ունեցած խորհրդարանական և նախագահական արտահերթ ընտրությունները։

Հաղթանակ տարած Թուրքիայի նախագահ Ռեջեփ Թայիփ Էրդողանը հայտնվել է «New York Times», «Washington Post» պարբերականների շապիկներին։

Թեմային է անդրադարձել նաև «CNN» հեռուստաալիքը։

«New York Times»-ը մասնավորապես գրել է.

«Թուրքիայի համար կարևոր ընտրություններում Էրդողանը հայտարարեց իր հաղթանակի մասին»։

Նշվել է, որ Էրդողանը նախագահական ընտրություններում հավաքել է 53 տոկոս ձայն, իսկ նրա ղեկավարած ԱԶԿ-ն՝ խորհրդարանական ընտրություններում ստացել է 43 տոկոս ձայն։

Տեսակետ կա, որ հաղթանակից հետո Էրդողանն Արևմտյան դաշնակիցների հետ համագործակցությունը 2-րդ պլան կմղի՝ առաջին պլան բերելով ռուս-թուրքական հարաբերությունների խորացումը։

«Washington Post»-ը Թուրքիայի ընտրությունների վերաբերյալ նյութը վերնագրել է «Ոչ պաշտոնական տվյալներով Էրդողանը հաղթանակ տարավ ընտրություններում, բայց ընդդիմությունը պնդում է, որ տեղի են ունեցել ընտրախախտումներ»։

«CNN» հեռուստաալիքի եթերով էլ ընդգծվել է, որ ընդդիմությունը բազմաթիվ ընտրախախտումներ է արձանագրել:

Աղբյուր` TRT haber

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։