Թուրքական սփյուռքի քանի՞ տոկոսն է մասնակցել արտերկրում կազմակերպված ընտրություններին

Քաղաքական16:16, 24 Հունիս 2018

Թուրքական սփյուռքի քանի՞ տոկոսն է մասնակցել արտերկրում կազմակերպված ընտրություններին

Թուրքիայում ավարտվել են նախագահական և խորհրդարանական ընտրությունները։

Երկրից դուրս բնակվող Թուրքիայի քաղաքացիների համար դեռևս հունիսի 7-ից կազմակերպվել էին ընտրություններ 60 երկրում տեղակայված շուրջ 123 ընտրատեղամասերում։

Այդ ընտրությունների քվեատուփերը կբացվեն Թուրքիայում անցկացված ընտրությունների քվեատուփերի հետ միաժամանակ։ Արդյունքները ևս հայտնի կդառնան միաժամանակ։

Ներկա պահին հայտնի է, թե արտերկրի խոշոր համայնքներում քվեարկության իրավունք ունեցող Թուրքիայի քաղաքացիներից քանիսն են մասնակցել ընտրություններին։

Այսպես, Թուրքիայից դուրս ամենամեծ թվով ընտրողները գրանցված են Գերմանիայում։ Այստեղ բնակվում է ընտրության իրավունք ունեցող 1 մլն 443․585 Թուրքիայի քաղաքացի։ Իսկ ընտրություններին մասնակցել է 717․992 ընտրող կամ ընտրելու իրավունք ունեցողների 49.74 տոկոսը։ Թուրք ընտրողների թվով երկրորդ տեղում Ֆրանսիան է, որտեղ ընտրության իրավունք ունի 340․751 ԹՀ քաղաքացի։ Ընտրություններին մասնակցել է 170․901 մարդ կամ ընտրողների 50.15 տոկոսը։ Հոլանդիայում ընտրության իրավունք ունեցող 260․264 ԹՀ քաղաքացուց ընտրություններին մասնակցել է 130․383 մարդ (50.1 տոկոս)։

Ավստրիայում բնակվող 106․657 ԹՀ քաղաքացի ընտրողից քվեարկությանը մասնակցել է 55․273 քաղաքացի կամ ընտրության իրավունք ունեցողների 51.82 տոկոսը։ Միացյալ Թագավորությունում 99․250 ԹՀ քաղաքացուց քվեարկել է 47․517-ը (47.88 տոկոս)։

Ուշագրավ արդյունքներ են գրանցվել Լյուքսեմբուրգում։ Այստեղ ի սկզբանե գրանցված է եղել ընդամենը 778 ընտրության իրավունք ունեցող ԹՀ քաղաքացի։ Սակայն քվեարկության է ներկայացել ընդհանուր առմամբ Թուրքիայի 10․240 քաղաքացի, այսինքն՝ նախատեսվածի շուրջ 1316 տոկոսը։ Ենթադրվում է, որ «անսպասելի ընտրողները» Գերմանիայից, Ֆրանսիայից և Բելգիայից Լյուքսեմբուրգ մեկնած Թուրքիայի քաղաքացիներն են եղել։

ԱՄՆ-ում գրանցված 106․301 ԹՀ քաղաքացի ընտրողից քվեարկությանը մասնակցել է 37․075 մարդ կամ ընտրողների 34.88 տոկոսը։

Ընդհանուր առմամբ Թուրքիայից դուրս գրանցված է 3 մլն 47․323 ընտրող, որոնցից նախագահական և խորհրդարանական ընտրությունների համար անցկացվող քվեարկությանը մասնակցել է 1 մլն 486․408 քաղաքացի կամ ընտրության իրավունք ունեցողների 48.78 տոկոսը։

Աղբյուր` Türkiye Gazetesi

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։