Քաղաքական13:38, 22 Հունիս 2018
Էթյեն Մահչուփյանը չի քվեարկի Թուրքիայի իշխող կուսակցության օգտին
Թուրքիայի նախկին վարչապետ Ահմեդ Դավութօղլուի գլխավոր խորհրդական Էթյեն Մահչուփյանը հայտարարել է, որ հունիսի 24-ին կայանալիք ընտրություններում իշխող «Արդարություն և զարգացում» կուսակցության (ԱԶԿ-AKP) օգտին չի քվեարկելու։
«Karar» թերթում հրապարակած իր հոդվածում Մահչուփյանն այս մասին գրում է․ «Ես տասնվեց տարի շարունակ, եթե չհաշվենք հանրապետական կարգի վերաբերյալ հանրաքվեն, ընտրություններում քվեարկել եմ ԱԶԿ-ի օգտին։
Այդ նախապատվության համար երեք պատճառ ունեի․ առաջինը, որ մյուս այլընտրանքները չափազանց թույլ էին։ Երկրորդ, թեև ժամանակի ընթացքում ԱԶԿ-ն աստիճանաբար թուլացել էր, բայց դեռ որոշակի հնարավորություն կար վերադառնալու իր սկզբնական վիճակին։ Եվ երրորդ, ես կարծում էի, որ Թուրքիայում նկատվող ժողովրդական միտումները կարող են կայունանալ ու ամրապնդվել միայն այն դեպքում, եթե պահպանողականները ժողովրդավարական դառնան։
Այսօր պատկերը բոլորովին այլ է։ 2016թ․ հետո ԱԶԿ-ի դրսևորած վարքը բոլոր 3 չափանիշներն էլ անիմաստ դարձրեց։ Նախ Էրդողանի իշխանության օրոք կամայականություններին առաջնահերթություն տվող մեկ անձի կառավարման սկզբունքը և դրա հետ եկած օպորտունիստական մշակույթն անկարևոր դարձրեցին այլընտրանքների որակի հարցը։ Երկիրը հրատապ կարիք ունի նորմալ պայմանների վերադառնալու։ Այլևս որևէ հավանականություն չի մնացել, թե ԱԶԿ-ն կվերադառնա իր հիմնադրման պահի սկզբունքներին, կադրերին և բարոյական նախապատվություններին»։
Ամփոփելով այս վերլուծությունները՝ Մահչուփյանը հավելում է, որ առաջիկա խորհրդարանական ընտրություններում քվեարկելու է «Saadet» կուսակցության, իսկ նախագահական ընտրություններում՝ ընդդիմադիր «Ժողովրդահանրապետական» կուսակցության (ԺՀԿ-CHP) նախագահի թեկնածու Մուհարրեմ Ինջեի օգտին։
Այս ենթաբաժնի վերջին նորությունները
Ջևդեթ Յըլմազը սոցհաշվում կատարած գրառմամբ անդրադարձել է մայիսի 6-ին Իսրայելի կողմից Գազայի հատվածի ուղղությամբ իրականացված օդային հարձակմանը:
Սաբահի և Թուրքիայի նախագահի միջև տեղի ունենալիք հանդիպմանը երկկողմ համագործակցության խորացման նպատակով նոր համաձայնագրեր կստորագրվեն:
ԱՄՆ պետքարտուղարության խոսնակ Մեթյու Միլլերը անդրադարձել է Թուրքիայի կողմից Իսրայելի առևտրաշրջանառության լիովին դադարեցմանը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Նշվում է, որ Թուրքիայի կողմից ահաբեկչական կազմակերպություն համարվող «Քուրդիստանի բանվորական կուսակցության (PKK) դեմ ամռանը գործողություն սկսելուց առաջ սահմանին կտեղակայվեն S-400-ները։
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Քուվեյթի քաղաքացիներն 1-ին տեղն են զբաղեցնում Թուրքիայում ամենաշատ անշարժ գույք գնող օտարերկրացիների շարքում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |