Թուրքիայում հետաքննություն է սկսվել Հայոց ցեղասպանությունը ճանաչած պատգամավորի դեմ

Քաղաքական12:29, 19 Հունիս 2018

Թուրքիայում հետաքննություն է սկսվել Հայոց ցեղասպանությունը ճանաչած պատգամավորի դեմ

Անկարայի Հանրապետական դատախազությունը հետաքննություն է սկսել Թուրքիայի ընդդիմադիր քեմալական «Ժողովրդահանրապետական կուսակցության» (ԺՀԿ-CHP) պատգամավոր ազգությամբ քուրդ Սեզգին Թանրըքուլուի դեմ: Նա մի սկանդալային լուսանկար էր հրապարակել «Twitter»-ի իր էջում։

Այդ լուսանկարի վրա պատկերված են «Քուրդիստանի բանվորական կուսակցության» (PKK) հետ կապեր ունենալու մեջ կասկածվող անձինք, որոնց նկատմամբ թուրք ոստիկանները նվաստացուցիչ գործողություններ էր կատարել:

Լուսանկարից երևում է, որ ոստիկանությունը վերոնշյալ մարդկանց մերկացրել է և հագցրել ձեռնաշղթաներ։

Դրանից զատ դատախազությունը ևս մի հետաքննություն է սկսել Թանրըքուլուի մեկ այլ գրառման առնչությամբ։ Ընդդիմադիր պատգամավորը ժամանակին դեմ է արտահայտվել Սիրիայում Թուրքիայի կողմից իրականացրած «Ձիթենու ճյուղ» ռազմական գործողությանը։

Դատախազությունը միջնորդություն է ներկայացրել Թուրքիայի խորհրդարան, որպեսզի Թանրըքուլուին զրկեն պատգամավորական անձեռնմխելիությունից, ինչից հետո պատգամավորը կարող է ձերբակալվել։

Տեղեկացնենք, որ Թանրքուլուն այն հազվադեպ պատգամավորներից է, ով ճանաչում է Հայոց ցեղասպանությունը։

Seçim öncesi fezleke hazırlayıp tüm kamuoyuna hatırlattığınız iyi oldu; bu çıplak arama olayı da yakın tarihimizin karanlık olaylarındandı.
Sıradan,silahla-şiddetle işi olmayan Kürt vatandaşlarımızı;ne beni ne hiçbir diğerini, “terörist”diye damgalayıp, keyfi muamele yapamazsınız pic.twitter.com/MMmlqyZ3PB
— Sezgin Tanrıkulu (@MSTanrikulu) June 19, 2018

Աղբյուր` Diken

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։