ԵՄ-ն Թուրքիայի համար վիզային ռեժիմը չի ազատկանացնի

Քաղաքական14:04, 18 Հունիս 2018

ԵՄ-ն Թուրքիայի համար վիզային ռեժիմը չի ազատկանացնի

Թուրքիան չի համապատասխանում ԵՄ մուտքի արտոնագրային ռեժիմի ազատականացման 72 չափանիշներից 6-ին: Մայիսի 31-ին Թուրքիայի և ԵՄ-ի պաշտոնյաների հանդիպման ժամանակ հաջողվել էր նախկինում խնդրահարույց 7 կետերը նվազեցնել մեկով:

ԵՄ-ի չափանիշներին համապատասխանելու համար Թուրքիան պետք է ևս 6 բարեփոխում կատարի: Սակայն ինչպես նշում է թուրքական «Hürriyet» թերթի կայքը, ԵՄ-ն կարճաժամկետ կտրվածքով այս խնդիրները քննարկելու նպատակով Թուրքիա նոր պատվիրակություն ուղարկելու մտադրությունը չունի, ինչը չի կարելի ասել Թուրքիայի մասին, որը հունիսի 24-ին կայանալիք ընտրություններից հետո հնարավոր է պատվիրակություններ ուղարկի Բրյուսել:

Որպեսզի Թուրքիայի քաղաքացիները կարողանան ազատ մուտք գործել ԵՄ, Թուրքիան պետք է հետևյալ 6 փոփոխությունը կատարի.

Ահաբեկչության դեմ պայքարին վերաբերող օրենքներ

ԵՄ-ն պահանջել է հավելյալ փոփոխություններ կատարել Ահաբեկչության դեմ պայքարի մասին, Քրեական դատավարության և Թուրքիայի քրեական օրենսգրքերի այն հատվածներում, որոնք վերաբերում են քաղաքացիների պատժին և ձերբակալմանը:

Անձնական տվյալների պաշտպանություն

ԵՄ-ն անձնական տվյալների պաշտպանության վերաբերյալ Թուրքիայի առաջարկները դրական է ընդունել: Սակայն թուրք պաշտոնյաների հետ հանդիպման ժամանակ նշվել է, որ երկրում հաստատված արտակարգ դրությունը շարունակում է հակասել այս չափանիշին:

Քրեական գործերով համագործակցություն

Նշվում է, որ այս չափանիշի շուրջ որևէ լուծման տարբերակ դեռ չկա: Ուշադրության կենտրոնում է հատկապես այն հանգամանքը, որ Թուրքիան չի ճանաչում Կիպրոսը և այն, որ այս քաղաքականությունը փոխելու հարցում որևէ միտում չի նկատվում: ԵՄ-ն փնտրում է մեթոդ, որը հնարավորություն կտար Թուրքիային համագործակցել Կիպրոսի հետ առանց ուղղակի կապի մեջ մտնելու:

Եվրոպոլի հետ համագործակցություն: ԵՄ հանձնաժողովը այս պայմանագիրը ստորագրելու համար պահանջել է անձնական տվյալների պաշտպանության մասին օրենքը համապատասխանեցնել ԵՄ չափանիշներին:

Կոռուպցիայի դեմ պայքար

ԵՄ-ն այս հարցում գործնական քայլեր է պահանջել:

Հետ ընդունման պայմանագիր

Անկարան հայտարարել է, որ այս պայմանագիրն ուժի մեջ պետք է մտնի վիզայի ազատականացման հետ միասին: ԵՄ-ն կարծում է, որ հետ ընդունման վերաբերյալ երկկողմանի արձանագրությունները կյանքի կոչելիս կարող են խնդիրներ առաջանալ: Բացի այդ նշվում է, որ Թուրքիայի կողմից Հունաստանի հետ երկկողմանի արձանագրության առկախումը նոր ռիսկեր է պարունակում:

Աղբյուր` Hürriyet

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։