Քեմալականների թեկնածուն` Էրդողանի մասին. «Այդ հոգնած մարդն այլևս չի կարող պայքարել ճգնաժամի դեմ»

Քաղաքական10:24, 11 Հունիս 2018

Քեմալականների թեկնածուն` Էրդողանի մասին. «Այդ հոգնած մարդն այլևս չի կարող պայքարել ճգնաժամի դեմ»

Թուրքիայի ընդդիմադիր քեմալական «Ժողովրդահանրապետական կուսակցության» (ԺՀԿ-CHP) նախագահի թեկնածու Մուհարրեմ Ինջեն Ստամբուլում կազմակերպված նախընտրական քարոզարշավի ընթացքում քննադատել է Թուրքիայի նախագահ Ռեջեփ Թայիփ Էրդողանին։

Ինջեն նշելով, որ Թուրքիան Էրդողանի վարած քաղաքականության հետևանքով հայտնվել է տնտեսական ճգնաժամի եզրին, ասել է.

«16 տարվա կառավարումից հետո Էրդողանը ժողովրդին թխվածք է խոստանում, ընդ որում հայտնի չէ դա շոկոլադե թխվածք է, թե չամիչով։ Դիմում եմ ձախակողմյան և աջակողմյան հայացքներ ունեցող, գլխաշոր հագնող և չհագնող թուրքերին, քրդերին, ալևիներին, սուննիներին: Եթե ուզում եք անվճար թխվածք ուտել, գնացեք ձայն տվեք Էրդողանին, իսկ գործարաններում աշխատել ցանկացողները թող ինձ ձայն տան։ Թուրքիան խորտակվում է։ Ինչո՞ւ Էրդողանը գնաց ընտրությունների։ Որովհետև երկիրը տնտեսական ճգնաժամի եզրին է և նա էլ այդ մասին գիտի։ Այդ հոգնած մարդը այլևս ի վիճակի չէ պայքարել ճգնաժամի դեմ։ Եթե Էրդողանը, նորից ընտրվի ապա 1 թուրքական լիրան կարժենա 8-10 դոլար։ Մենք խորտակվում ենք։ Թուրքիան նոր մարդու կարիք ունի»,-ասել է Ինջեն։

Աղբյուր` Hurriyet

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։