Թուրքիայում հեռուստաեթեր չի տրամադրվում ընդդիմադիր քրդամետ կուսակցությանը

Քաղաքական08:52, 11 Հունիս 2018

Թուրքիայում հեռուստաեթեր չի տրամադրվում ընդդիմադիր քրդամետ կուսակցությանը

Թուրքիայի ռադիոյի և հեռուստատեսության բարձրագույն խորհուրդը (RTÜK) ներկայացրել է վիճակագրական տվյալներ, որոնցով հայտնի է դարձել, թե թուրքական հեռուստաընկերությունները նախընտրական քարոզարշավի համար որքան եթերաժամ են տրամադրել կուսակցություններին:

Հունիսի 24-ին Թուրքիայում կայանալու են խորհրդարանական և նախագահական արտահերթ ընտրություններ։

Ըստ այդ տվյալների՝ մայիսի 1-ից մինչև հունիսի 3-ն ընկած ժամանահատվածում «TRT haber» լրատվամիջոցն ամենաշատ եթերաժամը տրամադրել է Թուրքիայի ընդդիմադիր քեմալական «Ժողովրդահանրապետական կուսակցությանը» (CHP-ԺՀԿ), 2-րդ տեղը զբաղեցրել է իշխող «Արդարություն և զարգացում կուսակցությունը» (ԱՇԿ-AKP), իսկ 3-րդ տեղում հայտնվել է «Ազգայնական շարժում կուսակցությունը» (ԱՇԿ-MHP)։ Չորրորդ տեղը զբաղեցրել է «Հայրենիք կուսակցությունը»։

Իսկ ընդդիմադիր քրդամետ «Ժողովուրդների դեմոկրատական կուսակցությանը» (ԺԴԿ-HDP) վերոնշյալ ժամանակահատվածում եթերաժամ ընդհանրապես չի տրամադրվել։

Թուրքական «CNN Turk», «Evrenesel», «Haberturk», «NTV», «TGRT haber» «ÜLKE TV», «TVNET» հեռուստաընկերություններում ամենաշատ եթերաժամը տրամադրվել է իշխող քաղաքական ուժին՝ AKP-ին։ Այդ լրատվամիջոցներում նույնպես քրդամետ կուսակցությանը եթեր չի տրամադրվել:

Հիշեցնենք, որ քրդամետ կուսակցության նկատմամբ վերջին տարիներին ճնշումներ են իրականացվում։ Կուսակցության մի շարք անդամներ Թուրքիայում 2016թ. հուլիսի 15-ին տեղի ունեցած ռազմական հեղաշրջման փորձից հետո կալանավորվել են։ Կալանավորված է նաև նախկին համանախագահ Սելահաթթին Դեմիրթաշը, ով մեղադրվելում է «ահաբեկչական կազմակերպության» անդամ լինելու մեջ։ Նա նաև առաջադրված է որպես նախագահի թեկնածու:

Աղբյուր` Demokrathaber

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։