Washington Post. «Էրդողանը չի կարողանա հաղթել ընտրությունների առաջին փուլում»

Քաղաքական08:48, 07 Հունիս 2018

Washington Post. «Էրդողանը չի կարողանա հաղթել ընտրությունների առաջին փուլում»

Ամերիկյան «Washington Post» թերթը Թուրքիայում հունիսի 24-ին կայանալիք նախագահական և խորհրդարանական արտահերթ ընտրությունների վերաբերյալ վերլուծական հոդված է հրապարակել։

Հոդվածում նշվում է, որ Էրդողանը մինչ օրս անցկացված բոլոր ընտրություններում անպարտելի է եղել, իսկ այժմ նրա դեմ բոլոր ընդդիմադիրների միավորումը բեկումնային շրջան կբերի:

«Ամենակարևոր շրջադարձն այն է, որ Թուրքիայի մասնատված ընդդիմադիր ուժերը միավորվեցին։ Բացի HDP-ից («Ժողովուրդների դեմոկրատական կուսակցություն») մյուս ընդդիմադիրները հայտարարել են, որ երկրորդ փուլում կաջակցեն Էրդողանի հետ մրցակցող թեկնածուին», -գրում է թերթը։

Աղբյուրի համաձայն՝ Էրրդողանի ընտրազանգվածի թիվը նկատելիորեն նվազել է և առաջիկա ընտրությունները հավանաբար կունենան երկրորդ փուլ։ Նշվում է, որ թեկուզ եթե Էրդողանը հաղթի ընտրություններում, նրա կուսակցությունն այլևս մեծամասնություն չի լինի խորհրդարանում։

«Հաղթելու դեպքում Էրդողանը մեծ իշխանություն ձեռք կբերի։ Բայց միավորված ընդդիմությունն Էրդողանի համար կարող է լուրջ խոչընդոտ ստեղծել։ Հարցումները ցույց են տալիս, որ AKP-ն (Արդարություն և զարգացում կուսակցություն) վերջին ամիսներին կորցրել է աջակիցներին, և Էրդողանն առաջին փուլում չի կարողանալու հաղթել ընտրություններում», - ասված է հոդվածում։

Աղբյուրի համաձայն՝ Էրդողանի օգտին չքվեարկելու համար պատճառ կարող են հանդիսանալ երկրում ահագնացող տնտեսական խնդիրները՝ գործազրկությունը, գնաճը, թուրքական լիրայի արժեզրկումը։ Ինչպես հայտնի է, լիրան վերջին մեկ տարում ԱՄՆ դոլարի նկատմամբ շուրջ 20 տոկոսով արժեզրկվել է։

Աղբյուր` takvim.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։