Քեմալական կուսակցության անդամներին չեն թույլատրել մուտք գործել Հունաստան

Քաղաքական12:11, 31 Մայիս 2018

Քեմալական կուսակցության անդամներին չեն թույլատրել մուտք գործել Հունաստան

Թուրքիայի քեմալական «Ժողովրդահանրապետական կուսակցության» (ԺՀԿ-CHP) մի խումբ ներկայացուցիչներ, որոնց թվում է նաև նախագահի թեկնածու Մուհարրեմ Ինջեն, չեն կարողացել մուտք գործել Հունաստան։

Կուսակցության ներկայացուցիչները նախընտրական քարոզարշավի շրջանակներում պատրաստվում էին այցելել Հունաստանի Կոմոտինի քաղաք, որտեղ ապրում են մեծ թվով թուրքեր։

Քեմալական կուսակցության պատվիրակության կազմում եղել են պատգամավորներ, լրագրողներ և քաղաքապետեր։

Թուրքական պատվիրակությունը Իսփալա սահմանային անցակետում հանդիպել է հույն սահմանապահների արգելքին։ Հունական կողմը հայտնել է, որ արգելքի պատճառն այն է, որ իրենց նախօրոք չի տեղեկացվել, որ կուսակցությունը պատրաստվում է մուտք գործել Հունաստան։

Տեղի ունեցած միջադեպի առնչությամբ լրացուցիչ տեղեկություններ է հայտնել «CNNTurk»-ի թղթակիցներից Ջանսու Քարադանը։ Վերջինս ասել է, որ թուրքական պատվիրակությանը մոտ 2 ժամ սպասեցրել են սահմանին, այնուհետև հույն սահմանապահները նրանց ասել են. «Դուք դիվանագիտական պատվիրակություն եք, երկիր նման կերպ մուտք գործելու համար նախ պետք է արտգործնախարարությանը դիմեիք»։

Այս ենթաբաժնի վերջին նորությունները

11:15, 21 մայ

Էրդողանը Բուդապեշտում կմասնակցի ԹՊԿ-ի ոչ պաշտոնական գագաթնաժողովին

Նախատեսվում է նաև, որ Թուրքիայի նախագահը մի շարք երկկողմ հանդիպումներ կունենա:

11:07, 21 մայ

ԱՄՆ-ի և Թուրքիայի ամուր հարաբերությունները նոր դարաշրջանում են

ԱՄՆ Պետքարտուղարության մամուլի խոսնակը գրավոր հայտարարություն է տարածել թուրք-ամերիկյան աշխատանքային խմբի հանդիպման վերաբերյալ։

10:56, 21 մայ

Բարձրաստիճան թուրք զինվորականը Դամասկոսում է

Թուրքիայի պաշտպանության նախարար և անվտանգության վարչության ղեկավար, գնդապետ Իլքայ Ալթընդաղը հանդիպել է Սիրիայի պաշտպանության նախարար Մուրհեֆ Քասրայի հետ: