Քաղաքական05:42, 17 Մայիս 2018
Էրդողանն ու Հռոմի Պապը հեռախոսազրույց են ունեցել
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Հռոմի պապ Ֆրանցիսկոսի հետ: Քննարկվել է Երուսաղեմի հարցը, ինչպես նաև Գազայի հատվածում մայիսի 14-ին տեղի ունեցած բախումները։
Թուրքիայի նախագահական աղբյուրները հաղորդում են, որ հեռախոսազրույցում Էրդողանը պնդել է, որ Իսրայելի զինուժը «անմարդկային վերաբերմունք» է դրսևորել պաղեստինցիների նկատմամբ, որի հետևանքով եղել են տասնյակ զոհեր և հարյուրավոր վիրավորներ։
Հռոմի Պապն էլ նշել է, որ անհրաժեշտ է Երուսաղեմին տալ հատուկ կարգավիճակ և դրանով իսկ մեկընդմիշտ լուծել իսրայելապաղեստինյան հակամարտությունը։
Տեղեկացնենք, որ Երուսաղեմի և Գազայի շուրջ տեղի ունեցած իրադարձությունների վերաբերյալ Էրդողանը հեռախոսազրույց էր ունեցել նաև Ռուսաստանի Դաշնության և Իրանի Իսլամական Հանրապետության նախագահներ Վլադիմիր Պուտինի և Հասան Ռուհանիի հետ։
Հիշեցնենք, որ մայիսի 14-ին ԱՄՆ-ն իր դեսպանատունը Թել-Ավիվից պաշտոնապես տեղափոխել է Երուսաղեմ՝ այդպիսով իր համաձայնությունը հայտնելով Երուսաղեմը Իսրայելի մայրաքաղաք հռչակելու որոշմանը։ Պաղեստինցիներն իրենց հերթին պնդում են, որ Արևելյան Երուսաղեմը իրենց պետության մայրաքաղաքն է, որը բռնազավթվել է Իսրայելի կողմից։ Այս առթիվ բազմաթիվ պաղեստինցիներ բողոքի ցույց էին կազմակերպել, որի ընթացքում իսրայելցի զինվորների հետ տեղի ունեցած բախումներն արյունալի հետևանքներ են ունեցել։
Այս ենթաբաժնի վերջին նորությունները
ԹՊԿ ԱԳ նախարարների ոչ պաշտոնական խորհրդաժողովի ընթացքում Թուրքիայի ԱԳ նախարարն անդրադարձել է Ուկրաինայում ընթացող պատերազմին»:
Նախատեսվում է նաև, որ Թուրքիայի նախագահը մի շարք երկկողմ հանդիպումներ կունենա:
ԱՄՆ Պետքարտուղարության մամուլի խոսնակը գրավոր հայտարարություն է տարածել թուրք-ամերիկյան աշխատանքային խմբի հանդիպման վերաբերյալ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշվում է, որ կհրապարակվի քարտեզ, որը նման է ԱՄՆ-ի, Ռուսաստանի և Սաուդյան Արաբիայի կողմից քննարկված բաժանման ծրագրերին։
Տոտոկոսադրույքները նվազեցնում են ներդրումները, տնտեսական աճը դանդաղում է
Սահմանային անցակետերում առգրավված ապրանքների մեծ մասը եղել են խնամքի կոսմետիկ պարագաներ և կոշկեղեն:
Հնդկաստանը տարեկան Թուրքիայից ներմուծում է մոտ 2.7 մլրդ դոլարի ապրանք։
Օզգյուր Օզելի հայտարարությանը պատասխանել է Էրդողանի ղեկավարած կուսակցության մամուլի խոսնակը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |