Իսրայելի վարչապետի որդին Instagram-ում հայհոյել է Թուրքիային

Քաղաքական06:10, 17 Մայիս 2018

Իսրայելի վարչապետի որդին Instagram-ում հայհոյել է Թուրքիային

Իսրայելի վարչապետ Բենիամին Նեթանյահուի որդին՝ Յաիր Նեթանյահուն, «Instagram»-ի իր էջում հայհոյել է Թուրքիային։ Նա իր էջում լուսանկար է տեղադրել Թուրքիայի դրոշով, որի վրա գրված է եղել «Fuck Turkey»:

Թուրքական աղբյուրը նշում է, որ նման գրառման պատճառ կարող էր լինել թուրք-իսրայելական հարաբերությունների կտրուկ վատթարացումը, որի հետևանքով Նեթանյահուի և Էրդողանի հարաբերությունները ծայրաստիճան լարվել են։

Կարճ ժամանակ անց Իսրայելի վարչապետի որդու «Instagram»-ը էջը փակվել է։

Նշվում է, որ Գազայի հատվածում տեղի ունեցած բախումների հետևանքով Իսրայելի վարչապետը և Թուրքիայի նախագահը փոխադարձ մեղադրանքներ են հնչեցրել միմյանց։ Այն բանից հետո, երբ Էրդողանը պաշտոնական Թել Ավիվին մեղադրեց պաղեստինցիների նկատմամբ ցեղասպանություն իրականացնելու մեջ, Իսրայելի վարչապետն ի պատասխան ասաց.

«Էրդողանը, ում ձեռքերը թաթախված են Սիրիայում և Թուրքիայում ապրող քրդերի արյան մեջ, վերջին մարդն է, ով կարող է բարոյախոսության քարոզներ կարդալ»։

Հիշեցնենք, որ բախումների պատճառ է դարձել Երուսաղեմում ԱՄՆ-ի դեսպանատան բացումը։ Ավելի վաղ ԱՄՆ-ի նախագահ Դոնալդ Թրամփը որոշում էր ընդունել Երուսաղեմը ճանաչել որպես Իսրայելի մայրաքաղաք, ինչը լուրջ դժգոհություն էր առաջացրել արաբական աշխարհում, ինչպես նաև Թուրքիայում։ Ի պատասխան դեսպանատան բացմանը՝ պաղեստինյան կառույցները Գազայի հատվածում սկսել էին մասսայական բողոքի գործողություններ՝ իրենց դժգոհությունն արտահայտելու ամերիկյան և իսրայելական իշխանությունների գործողությունների դեմ:

Աղբյուր` Diken

Այս ենթաբաժնի վերջին նորությունները

17:45, 26 օգոս

Թուրք պատգամավոր. «Թուրքիա-Հայաստան սահմանի բացումն անհետաձգելի անհրաժեշտություն է»

Հայդար Ալթընթաշի համոզմամբ՝ Թուրքիան այսօր կանգնած է պատմական հնարավորության առաջ։

15:18, 26 օգոս

Հունական մամուլ. «Թուրքիան փոխում է Արևելյան Միջերկրականի հավասարակշռությունը»

Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:

14:57, 26 օգոս

Թուրքիայի արտգործնախարարը կոչ է արել համատեղ և համակարգված գործել Իսրայելի դեմ

Հաքան Ֆիդան. «Այն, ինչի կարիքն այժմ ունի Պաղեստինի ժողովուրդը, դա մեր համատեղ գործունեությունն է»:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: