Քաղաքական12:10, 10 Մայիս 2018
ՄԱԿ-ի ներկայացուցիչը Թուրքիայի ղեկավարներին կոչ է անում վերացնել արտակարգ դրությունը
ՄԱԿ-ի մարդու իրավունքների գերագույն հանձնակատար Զեյդ Ռաադ ալ Հուսեյնը խոսել է հուլիսի 24-ին Թուրքիայում կայանալիք խորհրդարանական և նախագահական արտահերթ ընտրությունների, ինչպես նաև այդ երկրում պահպանվող արտակարգ դրության մասին։
«Միայն ապրիլին 29 լրագրող ահաբեկչության մեղադրանքով հայտնվեց բանտում։ Հեղաշրջման փորձից հետո հայտարարված արտակարգ դրության պայմաններում 18 ամսվա ընթացքում մոտ 160 հազար մարդ է կալանավորվել։ 15 հազար պետծառայող էլ ազատվել է աշխատանքից։ Մեծ թվով ուսուցիչներ, դատավորներ, իրավապաշտպաններ աշխատանքից հեռացվել ու դատարանի առաջ են կանգնել»,-ասել է Հուսեյնը։
Վերջինս նաև խոսել է Թուրքիայում մայիսի 1-ի տոնակատարությունների ժամանակ տեղի ունեցած ձերբակալությունների մասին։ ՄԱԿ-ի պաշտոնյայի խոսքերով՝ այդ ամենը վկայում է այն մասին, թե որքանով է Թուրքիայում սահմանափակված խաղաղ ցույցերի կազմակերպման իրավունքը և խոսքի ազատությունը։
Խոսելով Թուրքիայում կայանալիք վաղաժամ ընտրությունների մասին` Հուսեյնը ասել է, որ նման պայմաններում ցանկալի չէ անցկացնել ընտրություններ։ Նա կոչ է արել Թուրքիայի իշխանություններին վերացնել արտակարգ դրությունը, որը թույլ կտա պահպանել ընտրությունների անցկացման անվտանգությունը։
ՄԱԿ-ի պաշտոնյայի վերոնշյալ հայտարարությունները դատապարտել է Թուրքիայի արտգործնախարարության խոսնակ Համի Աքսոյը, որակելով դրանք «անհիմն»։ Թուրք պաշտոնյան նշել է, որ իրենք այդ հայտարարություններին լուրջ «չեն վերբերվում»։
Այս ենթաբաժնի վերջին նորությունները
Նախատեսվում է նաև, որ Թուրքիայի նախագահը մի շարք երկկողմ հանդիպումներ կունենա:
ԱՄՆ Պետքարտուղարության մամուլի խոսնակը գրավոր հայտարարություն է տարածել թուրք-ամերիկյան աշխատանքային խմբի հանդիպման վերաբերյալ։
Թուրքիայի պաշտպանության նախարար և անվտանգության վարչության ղեկավար, գնդապետ Իլքայ Ալթընդաղը հանդիպել է Սիրիայի պաշտպանության նախարար Մուրհեֆ Քասրայի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշվում է, որ կհրապարակվի քարտեզ, որը նման է ԱՄՆ-ի, Ռուսաստանի և Սաուդյան Արաբիայի կողմից քննարկված բաժանման ծրագրերին։
Հունական մամուլը նշում է, որ 1970-ականներից եկող՝ «Թուրքիան հետամնաց երկիր է» հայեցակարգը վաղուց արդեն փլուզվել է։
Տոտոկոսադրույքները նվազեցնում են ներդրումները, տնտեսական աճը դանդաղում է
Թուրքիայում անցկացվել է ինտելեկտի գործակցի մակարդակը պարզելու հետազոտություն։
Թուրքիայի տրանսպորտի և ենթակառուցվածքների նախարարը մասնակցել է «Մետաքսի ճանապարհ» 9-րդ միջազգային ցուցահանդեսի բացման արարողությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |