Անկարայում Գերմանիայի դեսպանը կանչվել է Թուրքիայի արտաքին գործերի նախարարություն

Միջազգային08:07, 28 Ապրիլ 2018

Անկարայում Գերմանիայի դեսպանը կանչվել է Թուրքիայի արտաքին գործերի նախարարություն

Անկարայում Գերմանիայի դեսպան Մարտին Էրդմանը կանչվել է արտաքին գործերի նախարարություն։ Թուրքիայի ԱԳՆ-ն մտադիր էր իր մտահոգությունը հայտնել գերմանացի դեսպանին՝ Գերմանիայում «Ժողովրդական ինքնապաշտպանական ուժեր» (ԺԻՈՒ-YPG) քրդական խմբբավորման գործունեության առթիվ։

Սակայն պարզվել է, որ այդ պահին Էրդմանը Անկարայում չի գտնվում, նրա փոխարեն ԱԳՆ է ներկայացել Անկարայում Գերմանիայի դեսպանության խորհրդականը։

Գերմանական մամուլի համաձայն՝ դեսպան Էրդմանը, ով ընդամենը 2 տարի է Անկարայում զբաղեցնում այդ պաշտոնը, արդեն 21 անգամ կանչվել է արտգործնախարարություն և նրան բողոքի նոտա է տրվել։

Աղբյուրն արձանագրում է, որ գերմանական «Die Welt» թերթի լրագրող Դենիզ Յուջելի ազատ արձակումից հետո թուրք-գերմանական լարվածությունը որոշակիորեն մեղմացել էր։ Սակայն Թուրքիան շարունակում է ամենատարբեր մակարդակներում իր դժգոհությունը հայտնել Գերմանիային՝ Թուրքիայում ահաբեկչական խմբավորում համարվող «Քուրդիստանի բանվորական» կուսակցության (ՔԲԿ-PKK) և նրա թևը հանդիսացոսղ ԺԻՈՒ-ի՝ Գերմանիայում ծավալած գործունեության առթիվ։

Աղբյուր` Hürriyet

Այս ենթաբաժնի վերջին նորությունները

12:11, 25 հուն

Թուրքիան, Հունաստանը և Բուլղարիան քննարկել են անկանոն միգրացիայի վերաբերյալ հարցեր

Նախարարները նաև համաձայնել են շարունակել նման ձևաչափով հանդիպումները։

10:32, 24 հուն

Էրդողանը Նիդերլանդներում կմասնակցի ՆԱՏՕ-ի գագաթնաժողովին

Գագաթնաժողովի ընթացքում կքննարկվեն Մերձավոր Արևելքում վերջին զարգացումները։

15:40, 23 հուն

Աֆրիկայից «էներգետիկ հրավեր» Թուրքիային

Վերջին տարիներին Թուրքիան զգալիորեն մեծացրել է իր ազդեցությունն Աֆրիկայում՝ հատկապես էներգետիկայի, հանքարդյունաբերության և ենթակառուցվածքների ոլորտներում։