Հասարակական11:30, 11 Ապրիլ 2018
«Նույն երկնքի տակ». Հայ և թուրք երիտասարդների մասնակցությամբ նոր նախագիծ
Թուրք և հայ երիտասարդների մասնակցությամբ իրականացվող «Նույն երկնքի տակ» խորագրով ծրագրի առաջին մասը շուտով կավարտվի։ Նախագծի նպատակն է՝ պարզել, արդյոք միմյանց հետ դիվանագիտական հարաբերություններ չունեցող, փակ սահմաններով, վարչական և առևտրական կապերը խզած երկու երկրում՝ Թուրքիայում և Հայաստանում բնակվող երիտասարդները կարող են մտածել ընդհանուր ապագայի մասին։
Ծրագրին մասնակցող 15-35 տարեկան շուրջ 80 երիտասարդի ուղղվել է հետևյալ հարցը․ «Քեզ համար ինչպիսի՞ ապագա ես ցանկանում և ինչպիսի՞ աշխարհում»։ Ստացված պատասխանները տեսագրվել և 30 վայրկյան տևողությամբ տեսանյութեր են պատրաստվել: Միևնույն ժամանակ ծրագրին մասնակից և միմյանց չճանաչող հայ և թուրք երիտասարդներին առաջարկվել է ձեռագիր նամակներ ուղղել միմյանց։ Նամակների հետ հասցեատերերին կհանձնվեն նաև հեղինակների լուսանկարները: Այս փուլի թուրքական (Իզմիր, Ուշաք, Այդըն) և հայաստանյան (Երևան, Գյումրի) մասը ավարտվել է: Բոլոր նամակների և տեսագրությունների սղագրությունները թարգմանվել են: Նամակները և լուսանկարները փոխադարձաբար հանձնվում են երիտասարդներին, հաստատվում են կապեր:
Բոլոր այս ջանքերով փորձ է կատարվել երկու ժողովուրդների միջև կամուրջ կառուցել։ Նախագիծը հավանության է արժանացել և աջակցություն է ստանում երկու երկրներում գործող մի շարք հասարակական կազմակերպությունների կողմից։
Աշխատանքների առաջին մասում իրենց ներդրումն են ունեցել Թուրքիայի Հրանտ Դինքի Հիմնադրամը իր ճանապարհորդական դրամաշնորհով, իսկ Հայաստանից՝ Արվեստի և մշակութային ուսումնասիրությունների լաբարատորիայի «Արտ Կոմունան», Երևանի Մարդու իրավունքների տունը, Գյումրիի Երիտասարդական զարգացման կենտրոնը, Երևանի Կովկասյան հետազոտությունների կենտրոնը, որոշ մասնավոր դպրոցներ և համալսարաններ:
Նախագծի հեղինակ Թահիր Ունը այս ծրագրի շրջանակներում իրեն ցուցաբերված աջակցության համար շնորհակալություն է հայտնել որպես կամավոր հանդես եկած Գևորգ Գալտակյանին, Դուրու Օրսին, Օքան Դողանին, Էլեն Կոկչյանին, ֆրանսիացի ընկեր Իգա Վանդենհովին, ինչպես նաև մասնակիցներին և բոլոր նրանց, ովքեր այս կամ այն կերպ աջակցել են նախագծի կայացմանը։
Ծրագրի երկրորդ հատվածում, որը կմեկնարկի առաջիկայում, նախատեսվում են ցուցահանդեսներ Հայաստանում և Թուրքիայում, գրքի տպագրություն, տեսագրությունների ներկայացում։ Բացի այդ, նախագծին նվիրված հատուկ կայք կստեղծվի, կամրապնդվեն կապերը հայաստանյան երիտասարդական կազմակերպությունների հետ, իսկ դրամաշնորհ գտնելու պարագայում միմյանց հետ նամակագրական կապ հաստատած հայ և թուրք երիտասարդների փոխադարձ այցելություններ կկազմակերպվեն։
Այս ենթաբաժնի վերջին նորությունները
«Անկախ Տնտեսության և Խաղաղության ինստիտուտը» հրապարակել է 2025 թվականի գլոբալ խաղաղության ինդեքսի զեկույցը, որտեղ ընդգրկված է 163 երկիր։
Թուրքիայում օտարերկրյա այցելուների թիվը պակասել է ավելի քան 200.000, մինչդեռ Իսպանիայում ու Հունաստանում զբոսաշրջիկների թվի աճ է նկատվում:
«Թուրքիայի վիճակագրական ինստիտուտը» տվյալներ է հրապարակել 2025թ․ հուլիսի դրությամբ երկրի աշխատաշուկայում տիրող իրավիճակի վերաբերյալ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Թուրքիայի նախագահը Մասուդ Փեզեշքյանի հետ զրույցում հայտարարել է, որ այն ինչ Գազայում իրականացվում է Իսրայելի կողմից, ոչ մի բացատրություն չունի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |