Չավուշօղլուն անհնար է համարում Աֆրինի հանձնումը Սիրիայի կառավարությանը

Տարածաշրջան12:01, 11 Ապրիլ 2018

Չավուշօղլուն անհնար է համարում Աֆրինի հանձնումը Սիրիայի կառավարությանը

Թուրք բարձրաստիճան պաշտոնյաներից այս անգամ էլ Թուրքիայի արտգործնախարար Մևլութ Չավուշօղլուն է արձագանքել Ռուսաստանի արտգործնախարարի հայտարարությանը, որտեղ վերջինս հույս էր հայտնել, որ թուրքական կողմը Աֆրինը կհանձնի Սիրիայի կառավարական ուժերին։

Անկարայում կայացած միջոցառման ժամանակ Չավուշօղլուն ասել է.

«Աֆրինի օպերացիայի ընթացքում մենք Ռուսաստանի հետ համագործակցել ենք: Որևէ առուծախի հարց չի եղել։ Մեր օդային գործողությունները համակարգել ենք Ռուսաստանի հետ։ Օպերացիայի 2-րդ փուլը ենթադրում էր ապահովել մարդկանց վերադարձն իրենց տներ, և դա իր հետ բերեց կայունություն տարածքում։ Մենք աչք չունենք Սիրիայի հողերի վրա։ Երբ Սիրիայում կայունություն լինի, մտահոգություններ չեն լինի տարածքային ամբողջականության պահպանման վերաբերյալ։ Աֆրինի հանձնումը Սիրիայի կառավարական ուժերին հնարավոր չէ, քանի որ նրանք մեկ կռվում են Սիրիայի քրդերի դեմ, մեկ՝ բարեկամանում»,-ասել է Չավուշօղլուն։

Հիշեցնենք, որ ավելի վաղ Լավրովի հայտարարությանն արձագանքել էին Թուրքիայի նախագահ Ռեջեփ Թայիփ Էրդողանը, փոխվարչապետ և կառավարության խոսնակ Բեքիր Բոզդաղը և պաշտպանության նախարար Նուրեթթին Ջանիքլին։

Աղբյուր` Timeturk

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։