Թուրքիայում շարունակում են արձագանքել Աֆրինի վերաբերյալ Լավրովի աղմկահարույց հայտարարությանը

Տարածաշրջան09:02, 11 Ապրիլ 2018

Թուրքիայում շարունակում են արձագանքել Աֆրինի վերաբերյալ Լավրովի աղմկահարույց հայտարարությանը

Թուրք բարձրաստիճան պաշտոնյաները շարունակում են արձագանքել Աֆրինի վերաբերյալ Լավրովի հայտարարությանը, որով ռուս պաշտոնյան հույս էր հայտնել, թե Թուրքիայի զինուժը Աֆրինը կհանձնի Սիրիայի կառավարական ուժերին։

Այս անգամ թեմային է անդրադարձել Թուրքիայի պաշտպանության նախարար Նուրեթթին Ջանիքլին։ Վերջինս մասնավորապես ասել է.

«Աֆրինում ահաբեկչական վտանգը շարունակվում է, մեր միջոցառումները կշարունակվեն այնքան ժամանակ, մինչև որ այդ վտանգը իսպառ վերանա։ Մենք կշարունակենք Աֆրինում մնալ մինչև մեր գործի ավարտը։ Երբ մեր երկրի դեմ ուղղված սպառնալիքները վերանան, մենք Աֆրինը կհանձնենք ընտրված կառավարությանը»։

Ավելի վաղ էլ Լավրովի հայտարարությանն արձագանքել էին Թուրքիայի նախագահ Ռեջեփ Թայիփ Էրդողանը, Թուրքիայի փոխվարչապետ և կառավարության խոսնակ Բեքիր Բոզդաղը։

Հիշեցնենք, որ Թուրքիայի զինված ուժերը և վերջինիս դաշնակից «Սիրիայի ազատ բանակ» խմբավորումը «Ձիթենու ճյուղ» ռազմական օպերացիայի շրջանակներում մարտի 18-ի առավոտյան ներխուժել էին Աֆրին և քաղաքը վերցրել իրենց վերահսկողության տակ։ Թուրքիայի բանակի ստորաբաժանումները վերահսկողության տակ են առել նաև Աֆրին քաղաքի հարևանությամբ գտնվող Ռաջո, Բյուլբյուլ, Շեյհ Հադիդ, Ջինդերես, Շերան, Մաբաթլը շրջանները:

Աղբյուր` Yeni Çağ

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։