Դիարբեքիրում ապամոնտաժվել են քրդերեն ցուցանակները

Տարածաշրջան09:54, 11 Ապրիլ 2018

Դիարբեքիրում ապամոնտաժվել են քրդերեն ցուցանակները

Թուրքիայի ամենամեծ քրդաբնակ քաղաքը հանդիսացող Դիարբեքիրում ապամոնտաժվել են քաղաքի գլխավոր պողոտաներում ճանապարհը հուշող երկլեզու (քրդերեն և թուրքերեն) ցուցանակները: Ապամոնտաժված ցուցանակների փոխարեն տեղադրվել են միայն թուրքերեն լեզվով գրված նոր ցուցանակներ:

Դիարբեքիրի ղեկավարությունը քրդերեն ցուցանակների ապամոնտաժման աշխատանքները սկսել է իրականացնել մարտին Թուրքիայի նախագահ Ռեջեփ Թայիփ Էրդողանի՝ Դիարբեքիր կատարած այցից հետո: Թուրքերեն և քրդերեն ցուցանակները քաղաքում տեղադրվել էին այն ժամանակ, երբ քաղաքի կառավարումն անցել էր քրդական «Ժողովրդավարական տարածաշրջաններ կուսակցությանը» (DBP-ԺՏԿ):

Հիշեցնենք, որ 2016-ի դեկտեմբերին էլ Դիարբեքիրի Սուր շրջանի տեղական ինքնակառավարման մարմնի շենքի պատից հեռացվել էր բազմալեզու ցուցանակի հայերեն և ասորերեն հատվածը:

Սուրի համայնքապետի ձերբակալումից հետո հեռացված ցուցատախտակի փոխարեն կախվել էր Թուրքիայի դրոշը:

Նշյալ ցուցատախտակը կախվել էր դեռևս 2012 թվականին այն ժամանակվա քուրդ համայնքապետ Աբդուլլահ Դեմիրբաշի օրոք, երբ համայնքի ավագանին որոշում էր կայացրել շրջանի տարբեր հատվածներում տեղադրել բազմալեզու ցուցանակներ այն ազգերի լեզուներով, որոնք տարբեր ժամանակներում ապրել են Դիարբեքիրում:

Աղբյուր` demokrathaber.org

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։