Հասարակական13:14, 06 Ապրիլ 2018
Հրապարակվել է Պոլսո Հայոց պատրիարքարանի 2017թ․ բյուջեն
Ապրիլի 1-ին Պոլսո Հայոց պատրիարքարանում Զատկի կապակցությամբ կայացած ընդունելության ժամանակ տվյալներ են հրապարակվել Պատրիարքարանի 2017թ․ բյուջեի վերաբերյալ։ Մամուլին տրամադրված տեղեկությունների համաձայն՝ նախորդ տարի Պատրիարքարանի բյուջեն 48․059 լիրայի պակասորդ է տվել։
2017թ․ Պատրիարքարանի ընդհանուր եկամուտը կազմել է 1 մլն 739․000 լիրա, իսկ ընդհանուր ծախսերը՝ 1 մլն 787․000 լիրա։ Ընդ որում՝ ծախսերի ամենամեծ աճը գրանցվել է «Հասարակության հետ կապերի» ոլորտում։ Այս խորագրի տակ ընդգրկված են հայկական լրատվամիջոցներին տրված հայտարարությունների համար կատարված վճարումները։
Այսպես, եթե 2016թ․ հայտարարությունների համար ծախսվել է 33․084 լիրա, ապա 2017թ․ այդ գումարը կազմել է 135․404 լիրա։ Այսպիսով, հայտարարությունների համար կատարված ծախսերը աճել են 4 անգամ։
2017թ․ երկրորդ կեսին պատրիարքի տեղապահ Գարեգին Բեկչյանը մամուլի ասուլիսներից մեկի ժամանակ նշել էր, որ Պատրիարքարանը հայտարարությունների համար բյուջե չունի։ Դրանից հետևում է, որ 2017 առաջին կեսին Պատրիարքարանի կողմից արդեն իսկ չափազանց մեծ թվով հայտարարություններ էին հրապարակվել։
Պատրիարքարանի բյուջեի հարցերով պատասխանատու Պետրոս Մարզուվանը տեղեկացրել է, որ 2017թ․ Թուրքիայի հայկական «Ժամանակ» թերթին հայտարարությունների համար վճարվել է 100․000 լիրա, իսկ «Մարմարա» թերթին՝ 30․000 լիրա։ Հայտնի է դարձել նաև, որ 2016թ․ Պատրիարքարանը իրեն պատկանող գույքի և շինությունների վերանորոգման և խնամքի համար ծախսել է 181․000 լիրա, իսկ 2017թ․՝ 109․000։ Այսպիսով, երկու տարում միայն շինություների խնամքի համար ծախսվել է 290․000 լիրա։
Պետրոս Մարզուվանի տեղեկացմամբ՝ 2017թ․ Պատրիարքարանի եկամուտները հատկապես նվազել են պսակադրությունների, կնունքների և հուղարկավորությունների թվի նվազման հետևանքով։ Մարզուվանի խոսքով՝ 2012թ․ հետո հատկապես նվազել է պսակադրությունների թիվը։ 2017թ․ հայկական համայնքում 116 պսակադրության արարողություն է կատարվել։ Պատրիարքարանի ներկայացուցչի խոսքով՝ այդ հանգամանքը պայմանավորված է հատկապես խառնամուսնությունների թվի ավելացմամբ։
Այս ենթաբաժնի վերջին նորությունները
«Անկախ Տնտեսության և Խաղաղության ինստիտուտը» հրապարակել է 2025 թվականի գլոբալ խաղաղության ինդեքսի զեկույցը, որտեղ ընդգրկված է 163 երկիր։
Թուրքիայում օտարերկրյա այցելուների թիվը պակասել է ավելի քան 200.000, մինչդեռ Իսպանիայում ու Հունաստանում զբոսաշրջիկների թվի աճ է նկատվում:
«Թուրքիայի վիճակագրական ինստիտուտը» տվյալներ է հրապարակել 2025թ․ հուլիսի դրությամբ երկրի աշխատաշուկայում տիրող իրավիճակի վերաբերյալ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Թուրքիայի նախագահը Մասուդ Փեզեշքյանի հետ զրույցում հայտարարել է, որ այն ինչ Գազայում իրականացվում է Իսրայելի կողմից, ոչ մի բացատրություն չունի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |