Տարածաշրջան07:02, 28 Մարտ 2018
Ըստ մամուլի՝ Թուրքիան և «Սիրիայի ազատ բանակը» վերահսկողություն են սահմանել Թել Ռըֆաթ քաղաքի վրա
Թուրքական լրատվամիջոցները, վկայակոչելով սիրիական ոչ պաշտոնական աղբյուրները, հայտնում են, որ մարտի 27-ին Թուրքիայի զինված ուժերը և «Սիրիայի ազատ բանակ» խմբավորումը «Ձիթենու ճյուղ» ռազմական գործողության շրջանակներում ներխուժել են սիրիական Թել Ռըֆաթ քաղաք:
Այն Աֆրին քաղաքից 21կմ հեռավորության վրա է և գտնվում է Սիիրիայի քրդական ուժերի վերահսկողության տակ։ Այժմ քաղաքում իրականացվում են ականազերծման աշխատանքներ։
Համաձայն ոչ պաշտոնական տեղեկատվության՝ նրանց հաջողվել է վերահսկողություն սահմանել քաղաքի վրա և այնտեղից դուրս մղել քրդական ուժերին։
Քաղաքը ռազմավարական նշանակություն ունի Թուրքիայի համար, քանի որ այն գտնվում է թուրքական սահմանամերձ Քիլիս քաղաքը Հալեպին կապող մայրուղու վրա։
Աղբյուրը Թուրքիայի զինված ուժերի ներխուժումը պատճառաբանում է այն հանգամանքով, թե իբր Թել Ռըֆաթի բնակչությունը օգնության նպատակով դիմել է Թուրքիային։
Հաղորդվում է, որ Թել Ռըֆաթի գրավումով թերևս կավարտվի հունվարի 20-ին Թուրքիայի կողմից Սիրիայի տարածքում սկսված «Ձիթենու ճյուղ» ռազմական օպերացիան։
Նախկինում Թուրքիայի նախագահ Ռեջեփ Թայիփ Էրդողանը նշել էր, որ իրենք Աֆրինից հետո պատրաստվում են մտնել Թել Ռըֆաթ։
Հիշեցնենք, որ մարտի 18-ի առավոտյան Թուրքիայի զինված ուժերը և վերջինիս դաշնակից «Սիրիայի ազատ բանակ» խմբավորումը «Ձիթենու ճյուղ» ռազմական օպերացիայի շրջանակներում ներխուժել են սիրիական Աֆրին և քաղաքը վերցրել իրենց վերահսկողության տակ։ Թուրքիայի բանակի ստորաբաժանումները վերահսկողության տակ են առել նաև Աֆրին քաղաքի հարևանությամբ գտնվող Ռաջո, Բյուլբյուլ, Շեյհ Հադիդ , Ջինդերես, Շերան, Մաբաթլը շրջանները:
Այս ենթաբաժնի վերջին նորությունները
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Թուրքիայի նախագահը Մասուդ Փեզեշքյանի հետ զրույցում հայտարարել է, որ այն ինչ Գազայում իրականացվում է Իսրայելի կողմից, ոչ մի բացատրություն չունի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |