Թուրքիայի զինուժը օպերացիա է սկսել Սինջարում PKK-ի դեմ

Տարածաշրջան06:53, 26 Մարտ 2018

Թուրքիայի զինուժը օպերացիա է սկսել Սինջարում PKK-ի դեմ

Թուրքիայի նախագահ Ռեջեփ Թայիփ Էրդողանը Տրապիզոն քաղաքում մասնակցել է իշխող «Արդարություն և զարգացում» կուսակցության ժողովին։ Նա խոսել է տարածաշրջանում քրդերի դեմ Թուրքիայի զինուժի կողմից իրականացվող նոր ռազմական գործողությունների մասին։

Մասնավորապես նշել է, որ այժմ Թուրքիայի բանակի ստորաբաժանումների նոր թիրախը հանդիսանալու է Իրաքի եզդիաբնակ Սինջար շրջանը, որտեղ «Քուրդիստանի բանվորական կուսակցությունը» (PKK-ՔԲԿ) հենակետեր ունի։

«Նախկինում ասել էինք, որ մտնելու ենք Սինջար։ Հիմա արդեն այնտեղ սկսվել են ռազմական գործողությունները։ Երկրի ներսում և դրանից դուրս պայքար է գնում ահաբեկչության դեմ։ Մեր հոգսը ահաբեկիչներն են։ Մենք չենք հանդիսանում բռնազավթող երկիր։ Օկուպացիաների օրինակներ կան Արևմուտքում։ Մեր անցյալում չկան նման բաներ»։

Սինջարում ռազմական գործողություններ սկսելը Թուրքիայի նախագահը պատճառաբանել է այն իրողությամբ, որ Աֆրինը կորցնելուց հետո քրդական ուժերը նահանջել են Սինջար։

Հիշեցնենք, որ չնայած Էրդողանի վերոնշյալ հայտարարությանը՝ մի քանի օր առաջ PKK-ն հայտարարել էր, որ իրենք դուրս են բերում իրենց ուժերը Սինջարից։

Աղբյուր` Ensonhaber

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։