Տարածաշրջան08:09, 22 Մարտ 2018
Թուրքական ազգայնական լրատվամիջոցի անդրադարձը հայկական եկեղեցուն (լուսանկարներ)
Թուրքական «Yeni Akit» ազգայնական թերթի կայքն անդրադարձել է Թուրքիայի Էսքիշեհիր նահանգի Սիվրիհիսար շրջանում գտնվող հայկական Սբ. Երրորդություն եկեղեցու թեմային: Թուրքիայի մշակույթի նախարարության կողմից վերջերս վերանորոգված եկեղեցին նախատեսվում է ծառայեցնել մշակութային միջոցառումներ անցկացնելու համար:
Աղբյուրը, նկարագրելով եկեղեցու ընդհանուր տեսքը, գրում է, որ այն դրսից արևելք-արևմուտք ձգվող ուղղանկյունաձև, ներսից եռանավ եկեղեցի է:
«Երկու զանգակատուն ունեցող եկեղեցու մուտքի դռան վերևում 2 սրբեր են պատկերված, որոնց ներքևում գտնվող արձանագրության կողքին էլ հրեշտակի պատկեր կա: Երևացող ու չերևացող որմնանկարներով զարդարված եկեղեցու հյուսիսային կողմում մկրտության սենյակ կա, իսկ հարավային մասում՝ հոգևորականի սենյակ:
Եկեղեցու ճակատային մասի պատուհաններից յուրաքանչյուրի վերևում 1881 թիվն է խորապատկերված: Եկեղեցու գլխավոր մուտքից ներս մտնելիս 2 հարկ ունեցող մի հատված կա: Հավանաբար դրա 2-րդ հարկում երգչախումբ է եղել, իսկ 1-ին հարկի մի կողմում համայնքի հավատացյալ կանայք են նստել, մյուս կողմում՝ տղամարդիկ»,- գրում է թուրքական կայքը:
Աղբյուրի տեղեկությամբ՝ 1853-1856 թթ Ղրիմի պատերազմի ընթացքում Օսմանյան Աբդուլ Մեջիդ սուլթանը Սիվիրհիսարում մեծ թվով հայեր է բնակեցնում: «Այդ ընթացքում Սիվիրհիսարում մոտ 4500 հայեր են բնակեցվում: Սակայն դատելով այստեղ գտնված 1830-ականներին թվագրվող գերեզմանաքարերի առկայությունից՝ Սիվիրհիսարում դրանից առաջ էլ հայեր են ապրել: Հայերն այստեղ ապրել են մինչև 1916 թվականը: Նրանց տները եղել են սարի երկու փեշերին»,- ավելացրել է աղբյուրը:
Տեղեկացնենք, որ վերանորոգման ընթացքում Թուրքիայի մշակույթի նախարարությունը եկեղեցու տարածքում շուրջ հինգ տասնյակ թուրք գործիչների արձաններից բաղկացած «Արձանների պուրակ» է հիմնել: Տեղադրվել են այնպիսի հայտյաց պատմական դեմքերի արձաններ, ինչպիսիք են Մուստաֆա Քեմալ Աթաթուրքը ու Քյազիմ Կարաբեքիրը: Կան նաև մշակութային գործիչների արձաններ՝ բանաստեղծ Յաշար Քեմալ, նկարիչ Աբիդին Դինո և այլք:
Սիվրիհիսարի Սբ. Երրորդություն հայկական եկեղեցին կառուցվել է 1650 թվականին: Հրդեհից լրջորեն վնասվել է 1876 թվականին: Վերակառուցվել է 1881 թվականին: Թուրքական պետության կողմից եկեղեցու վերականգնումը սկսվել էր 2010 թվականին, երբ Սիվրիհիսարի շրջկենտրոնի սեփականությունը համարվող եկեղեցին հանձնվել էր մշակույթի նախարարությանը:
Այս ենթաբաժնի վերջին նորությունները
Թուրքիայի պաշտպանության նախարար Յաշար Գյուլերը հայտարարել է, որ Իրաքը ահաբեկչական է ճանաչել «Քուրդիստանի բանվորական կուսակցությանը»:
Խորհրդակցությունների ընթացքում կողմերը քննարկել են Թուրքիայի և ՌԴ-ի ընդհանուր օրակարգում գտնվող տարածաշրջանային հարցեր։
ՄԱԿ-ը հրապարակել է 2023-ի 2-րդ կեսին Սիրիայում տեղի ունեցած իրադարձություններ մասին զեկույց, որտեղ անդրադարձ է կատարվել նաև Թուրքիայի կողմից ձեռնարկված հարձակումներին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |