Թուրքիայի վարչապետ. «Ոմանք ուզում են մեզնից հաշիվ պահանջել ցեղասպանության համար»

Ցեղասպանություն07:00, 28 Փետրվար 2018

Թուրքիայի վարչապետ. «Ոմանք ուզում են մեզնից հաշիվ պահանջել ցեղասպանության համար»

Թուրքիայի վարչապետ Բինալի Յըլդըրըմն Անկարայի առևտրի պալատի համաժողովում ունեցած ելույթի ժամանակ անդրադարձել է Հոլանդիայի խորհրդարանի կողմից Հայոց ցեղասպանության վերաբերյալ ընդունված բանաձևերին:

Առանց Հոլանդիային ուղղակիորեն դիմելու՝ Յըլդըրըմը հայտարարել է, որ այս օրերին ոմանք ցանկանում են ցեղասպանության համար հաշիվ պահանջել Թուրքիայից: Նա «հաշիվ պահանջողներին» խորհուրդ է տվել նախ սեփական «ամոթալի» պատմությանը նայել:

«Այսօր ցանկանում են մեզ դաս տալ, ցեղասպանության համար հաշիվ պահանջել մեզանից: Հայոց ցեղասպանություն, 1915-ի դեպքեր: Մի անգամ էլ մեզ հարցադրում անելու փոխարեն ետ դարձեք ու ձեր ամոթալի պատմությանը նայեք: Գաղութացումը, կոտորածն ու ցեղասպանությունը ձեր պատմությանն է բնորոշ: Նախ ձեր կեղտոտ անցյալի, ստրկավաճառության պատասխանը տվեք: Նախ տարիներով գաղութացրած երկրների և իրականացրած կոտորածների պատասխանը տվեք, հետո նոր մեզ զրպարտեք»,- վրդովված ասել է Թուրքիայի վարչապետը:

Աղբյուր` Haberler.com

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։