Միջազգային08:08, 28 Փետրվար 2018
ԱՄՆ․ Թուրքիան պիտի ուշադիր կարդա Սիրիայի զինադադարի մասին ՄԱԿ-ի բանաձևը
ԱՄՆ պետքարտուղարության խոսնակ Հիթեր Նոյերթը Թուրքիային խորհուրդ է տվել ուշադիր կարդալ Սիրիայում զինադադարի մասին ՄԱԿ-ի անվտանգության խորհրդի ընդունած բանաձևը:
Թուրքիան իր հերթին կոշտ արձագանք է տվել այս հայտարարությանը։ Թուրքիայի ԱԳՆ խոսնակ Համի Աքսոյը նշել է, որ ԱՄՆ ներկայացուցչի հայտարարություններն անհիմն են․ «ԱՄՆ պետքարտուղարության խոսնակի հայտարարությունն այն մասին, որ Թուրքիան պետք է ուշադիր կարդա ՄԱԿ-ի անվտանգության խորհրդի նշյալ որոշումը, անհիմն են և վկայում են, որ նա կամ չի հասկացել որոշման էությունը, կամ միտումնավոր աղավաղում է այն»։
Աքսոյը պնդել է, որ ՄԱԿ-ի որոշման մեջ չի խոսվում Աֆրինի մասին։ «Այդ որոշումը պահանջում է դադարեցնել բախումներն առնվազն 30 օրով՝ Սիրիայի անբարենպաստ վիճակում գտնվող շրջաններին և գլխավորապես Արևելյան Գուտային շտապ մարդասիրական օգնություն հասցնելու և բուժման նպատակով մարդկանց դուրս բերելու հնարավորություն ստեղծելու համար»։
Թուրքիայի ԱԳՆ խոսնակի խոսքով՝ Աֆրինի գործողությունները համապատասխանում են ՄԱԿ-ի կանոնադրության 51-րդ հոդվածին, այն է՝ ինքնապաշտպանության իրավունքին։
Աքսոյը խորհուրդ է տվել ԱՄՆ-ին՝ «ահաբեկիչներին աջակցող հայտարարություններ անելու փոխարեն կենտրոնանալ ռեժիմի՝ անմեղ քաղաքացիական բնակչության դեմ ուղղված հարձակումները դադարեցնելու վրա»։
Այս ենթաբաժնի վերջին նորությունները
Մոլդովայում գործունեություն է ծավալում 1200 թուրքական ընկերություն։
Նախարարները նաև համաձայնել են շարունակել նման ձևաչափով հանդիպումները։
Գագաթնաժողովի ընթացքում կքննարկվեն Մերձավոր Արևելքում վերջին զարգացումները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անտառային հրդեհները դեռևս չի հաջողվում վերասհկողության տակ առնել, նույնսիկ չվերթներ են հետաձգվել։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |