Տարածաշրջան07:27, 25 Հունվար 2018
Սիրիայի քրդերի կանանց զորախումբ. «Աֆրինը Թուրքիայի համար գերեզման կդարձնենք»
Սիրիայի քրդական «Ժողովրդական ինքնապաշտպանական ջոկատների» (ԺԻՋ-YPG) կանանց թևը՝ YPJ-ն զգուշացրել է Թուրքիային, որը ռազմական գործողություններ է սկսել քրդերի վերահսկողության տակ գտնվող սիրիական Աֆրինում:
Ըստ քրդական «ANF» լրատվական գործակալության թուրքական ծառայության՝ նրանց կողմից հրապարակված գրավոր հայտարարության մեջ մասնավորապես ասված է.
«Այսօր 6-րդ օրն է, ինչ օկուպանտ Թուրքիան և նրա հովանու տակ գտնվող հրոսակները շարունակում են անդադար հարձակվել Աֆրինի վրա: Մենք, որպես YPG-ի կանանց թև, ինչպես նաև Աֆրինի ժողովուրդը, պատմական դիմադրություն ենք ցուցաբերում: Աֆրինի հողերը Թուրքիայի և հրոսակների համար դարձնելու ենք գերեզման, նրանք զղջալու են որ ոտք են դրել այստեղ»:
Հայտարարությունում ասվել է նաև, որ թուրքական ուժերն այս մի քանի օրվա ընթացքում իրենց վրա հարձակվել են տանկերով և ռազմական ինքնաթիռներով, սակայն իրենք դիմել են պատասխան գործողությունների: Թուրքերի և քրդերի միջև ուժեղ բախումներ են տեղի ունեցել հատկապես Աֆրինի Շերա, Բիլբիլե, Մաբեթա, Ջինդիրեսե, Շիյե, Րեջո գյուղերում:
«Այս տարածքներում այս օրերին ուժեղ մարտեր են գնում և դեռևս շարունակվում են: Այս մարտերում թուրք հրոսակները մեծ կորուստներ են կրել: Սակայն իրենք թաքցնում են իրենց կորուստները: Նրանց մամուլում հրապարակվում են սուտ լուրեր, թե իբր քրդական կողմն ունի շատ կորուստներ: Այնինչ վերջին 5 օրվա կռիվներում մենք տվել ենք 7 զոհ: Խոսք ենք տալիս, որ պաշտպանելու ենք մեր հողերը և մեր ժողովրդին»:
Այս ենթաբաժնի վերջին նորությունները
Ավերածությունների մասին տեղեկատվություն պաշտոնական աղբյուրներում դեռևս չկան:
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Նախագահները քննարկել են երկկողմ հարաբերությունները, Ուկրաինայում և Սիրիայում տիրող իրավիճակը, ինչպես նաև տարածաշրջանային և գլոբալ հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |