Միջազգային13:50, 25 Հունվար 2018
Գերմանիան կասեցրել է տանկերի վաճառքը Թուրքիային` քրդերի դեմ դրանց օգտագործման պատճառով
Գերմանիայի կանցլեր Անգելա Մերկելն ու արտգործնախարար Սիգմար Գաբրիելը նախկինում Թուրքիային վաճառած «Leopard 2» տանկերի արդիականացումը, ինչպես նաև նոր տակերի վաճառքը անորոշ ժամանակով կասեցնելու որոշում են ընդունել:
Գերմանիայի հասարակության շրջանում վրդովմունք են առաջացրել օրերս տարածված լուսանկարները, որոնցում երևում է, որ Թուրքիան գերմանական արտադրության տանկեր է օգտագործում Աֆրինում քրդերի դեմ սանձազերծած ռազմական գործողությունների շրջանակներում:
Թուրքական «Demokrathaber.org» լրատվական կայքը, հղում անելով գերմանական «Der Spiegel»-ին, գրում է, որ հասարակական վրդովմունքին գումարվել է նաև ընդդիմադիր կուսակցությունների ճնշումը, ինչի հետևանքով Գերմանիայի իշխանությունները որոշել են ժամանակավորապես հրաժարվել Թուրքիայի նկատմամբ ավելի վաղ ստանձնած պարտավորություններից:
«Der Spiegel»-ին տված հարցազրույցում Գաբրիելը հայտարարել է, որ իրենք անհանգստացած են Սիրիայի հյուսիսում ստեղծված իրավիճակից՝ նշելով, որ իրենք չեն կարող զինտեխնիկա ուղարկել այն վայրեր, որոնցում զինված գործողություններ են տեղի ունենում:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
Այս ենթաբաժնի վերջին նորությունները
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:
ԱՄՆ պետքարտուղարությունն է տարածել վաճառքի հաստատման մասին համապատասխան հայտարարությունը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |