Գերմանացի գործիչները պահանջել են դադարեցնել զենքի վաճառքը Թուրքիային

Միջազգային11:31, 24 Հունվար 2018

Գերմանացի գործիչները պահանջել են դադարեցնել զենքի վաճառքը Թուրքիային

Մի շարք գերմանացի քաղաքական գործիչներ կոչ են արել դադարեցնել Թուրքիային զենքի վաճառքը։ «BBC Türkçe»-ի տեղեկացմամբ՝ Գերմանիայում խիստ քննադատության է արժանացել սիրիական Աֆրինում ընթացող ռազմական գործողությունների ընթացքում Թուրքիայի կողմից գերմանական արտադրության զինամթերքի կիրառումը։

Գերմանիայի և աջակողմյան, և ձախակողմյան կուսակցությունների մի շարք ներկայացուցիչներ ուշադրություն են հրավիրել այն հանգամանքի վրա, որ Թուրքիան Աֆրինում օգտագործում է «Rheinmetall» ընկերության արտադրած «Leopard» տեսակի տանկերը։

Գերմանիայի կանցլեր Անգելա Մերկելի կուսակցության՝ «Քրիստոնյա-դեմոկրատական» միության (CDU) ներկյացուցիչ Նորբերթ Ռյոթգենը «BBC»-ի ռադիոեթերում հայտարարել է, որ Աֆրինում Թուրքիայի գործողություններն անօրինական են։ Նա կոչ է արել Գերմանիայի կառավարությանը՝ դադարեցնել Թուրքիային զենքի վաճառքը։

«Կանաչների» կուսակցության (Die Grüne) ներկայացուցիչ Ագնեշկա Բրուգերը ևս կոչ է արել անհապաղ դադարեցնել Թուրքիային գերմանական զենքի մատակարարումը։

Աղբյուր` Ermenihaber.am

Այս ենթաբաժնի վերջին նորությունները

11:13, 26 օգոս

Թուրք-շվեդական գաղտնի փաստաթղթերը՝ Ստոկհոլմի օդանավակայանի զուգարանում

Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։

13:30, 21 օգոս

Զելենսկի-Պուտին հանդիպումը կարող է կայանալ Թուրքիայում

Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։