Քաղաքական09:47, 18 Դեկտեմբեր 2017
Էրդողան. «Շուտով արևելյան Երուսաղեմում կբացենք մեր դեսպանատունը»
Թուրքիայի նախագահ, իշխող «Արդարություն և զարգացում կուսակցության» նախագահ Ռեջեփ Թայիփ Էրդողանը Քարամանում տեղի ունեցած կուսակցական ժողովում հայտարարել է, որ շուտով դեսպանատուն են բացելու արևելյան Երուսաղեմում:
Ըստ թուրքական «Demokrathaber.org» լրատվական կայքի՝ Էրդողանը, անդրադառնալով ԱՄՆ-ի նախագահ Դոնալդ Թրամփի կողմից Երուսաղեմը Իսրայելի մայրաքաղաք ճանաչելու մասին հայտարարությանը, ասել է. «ՄԱԿ-ի որոշումները անտեսելով՝ այս քայլն անողներն ուզում են ասել (ՄԱԿ-ին)՝ «Մենք ձեզ չենք ճանաչում: Մենք էլ ձեզ չենք ճանաչում: Չորեքշաբթի Իսլամական համագործակցության կազմակերպությանը գագաթաժողով անցկացնելու կոչ արեցի, մեկ շաբաթում բոլորը հավաքվեցին:
...Միաձայն ընդունված հայտարարությունը հետևյալ ուղերձն էր պարունակում աշխարհին՝ մուսուլմանների մայրաքաղաք Երուսաղեմը չեք կարող հրեաների սեփականությունը դարձնել: Այստեղ մուսուլմանների ու քրիստոնյաների սրբատեղիներն են գտնվում, բայց ոչ՝ ուրիշի: Դուք էլ Ձեր տեղում մնացեք և սիոնիստական օպերացիա մի փորձեք իրականացնել: Եթե փորձեք, դրա գինը թանկ կլինի»:
Ըստ Էրդողանի՝ Թուրքիան ասում է, որ Երուսաղեմը պետք է հայտարարվի Պաղեստինի մայրաքաղաք, և իրենք վաղուց են դա արել:
«Օկուպացված լինելու պատճառով չենք կարողանում գնալ այնտեղ և մեր դեսպանությունը բացել: Նույնիսկ մեր դեսպանությունն է այնտեղ ներկայացված գլխավոր հյուպատոսարանի միջոցով: Մենք փաստացի արել ենք դա (Երուսաղեմում դեսպանատուն բացելը նկատի ունի-EH): Մոտ է նաև այն օրը, երբ այնտեղ պաշտոնապես կբացենք մեր դեսպանատունը»:
Հիշեցնենք, որ արևելյան Երուսաղեմը Պաղեստինի մայրաքաղաք ճանաչելու առաջարկը արել է Թուրքիայի նախագահ Ռեջեփ Թայիփ Էրդողանը, Ստամբուլում Երուսաղեմի հարցով կայացած «Իսլամական համագործակցության կազմակերպության» (ԻՀԿ) արտահերթի գագաթաժողովի ժամանակ: Թուրքիայի արտաքին գործերի նախարարության պաշտոնական կայքում օրերս արված փոփոխությամբ Արևելյան Երուսաղեմն արդեն նշվել է որպես Պաղեստինի մայրաքաղաք:
Այս ենթաբաժնի վերջին նորությունները
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |