Միջազգային08:22, 20 Հոկտեմբեր 2017
Թուրքիայի և Իրանի միջև առևտուրը կիրականացվի ազգային արժույթով
Թուրքիայի և Իրանի միջև առևտուրը այսուհետև կիրականացվի ազգային արժույթով։ Թուրքական «Hürriyet» թերթի կայքի տեղեկացմամբ՝ այս մասին հայտարարել են Թուրքիայի վարչապետ Բինալի Յըլդըրըմը և Իրանի առաջին նախագահ Իսհաք Ջիհանգիրին։
Պաշտոնյաներն առանձնազրույց են ունեցել Չանքայայի պալատում։ Հանդիպման օրակարգային թեման է եղել երկու երկրների միջև առևտրատնտեսական կապերի ակտիվացումը։
Բինալի Յըդըրըմի խոսքով՝ այդ հարաբերությունների զարգացման համար նախատեսված ամենակարևոր քայլերից մեկը ազգային արժույթով առևտրի իրականացումն է։
«Երկու երկրների կենտրոնական բանկերն արդեն այս առթիվ պայմանավորվածություն են ձեռք բերել։ Առաջիկա օրերին այս որոշման մասին կծանուցվեն նաև մյուս բանկերը։ Այս կերպ Իրանի և Թուրքիայի միջև ազգային արժույթով առևտրի իրականացումը ավելի կխթանվի։ Դա մեծապես կնպաստի ինչպես առևտրի հեշտացմանը, այնպես էլ առևտրաշրջանառության ծավալների մեծացմանը և ընդլայնմանը», - նշել է Յըլդըրըմը։
Իսկ Ջիհանգիրին տեղեկացրել է, որ բացի ազգային արժույթով առևտրից, կողմերը համաձայնության են եկել նաև Իրանի և Թուրքիայի սահմաններն առևտրի նպատակով 24 բաց պահելու վերաբերյալ։
«Պայմանավորվածության համաձայն՝ Թուրքիայից Իրանի տարածքով ապրանքներ կարտահանվեն Կատար։ Երեք երկրների նախարարությունների միջև հնարավորինս արագ պայմանագրեր կստորագրվեն և թուրքական ապրանքները Իրանի միջոցով կարտահանվեն Կատար։ Շատ կարևոր որոշումներ են կայացվել նաև զբոսաշրջության ոլորտի վերաբերյալ», - նշել է նա։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ամերիկյան «FEDEX» ընկերությանը պատկանող բեռնատար ինքնաթիռն անսարքության պատճառով կոշտ վայրէջք է կատարել:
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Նրանց դեմ դատական գործ էր հարուցվել Թուրքիայի տարածքում անկախ կառավարություն ստեղծելու մասին հայտարարություններ անելու համար։
Հանդիպման ընթացքում կողմերը քննարկել են երկկողմ հարաբերություններին և համագործակցությանը վերաբերող հարցեր:
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |