Հասարակական11:09, 16 Հոկտեմբեր 2017
Օրհան Փամուք. «Այսօր Թուրքիայում մտքի ազատություն չկա և դա ինձ զայրացնում է»
Նյու Յորքում բնակվող աշխարհահչակ թուրք գրող, նոբելյան մրցանակակիր Օրհան Փամուքը իտալական « La Stampa» թերթին հարցազրույց է տվել, որտեղ խոսել է Թուրքիայի ապագայի, ինչպես նաև հին Ստամբուլի հետ կապված իր հիշողությունների մասին:
Թուրքական «Mynet» լրատվամիջոցը տեղեկացնում է, որ 2017թ. Իտալիայում վերահրատարակվել է Օրհան Փամուքի «Ստամբուլ. Հիշողություններ և քաղաք» ստեղծագործությունը, որտեղ առանձնակի տեղ էր հատկացվել Ստամբուլի մասին հիշողություններին:
Հարցազրույցի ժամանակ Փամուկը նշել է, որ այժմ ինքը չի բնակվում Ստամբուլում՝ զուտ քաղաքական դրդապատճառներից ելնելով:
«Ես վճռականորեն հավատում եմ, որ Թուրքիայի ապագան արևմուտքում է, ես այդ հավատքով մեծացա: Ես արևմտյան, աշխարհիկ կրություն ստացա: Այսօր Թուրքիայում մտքի ազատություն չկա և դա ինձ զայրացնում է»:
Համեմատականներ անցկացնելով այսօրվա և իր գրքերից մեկում ներկայացված Ստամբուլի միջև՝ գրողը մեծ տարբերություններ է տեսնում:
«Ստամբուլում արդեն իմ հիշողություններից ոչինչ չկա, ներկայիս Ստամբուլը չեմ սիրում: Քաղաքը, իհարկե, այսօր ավելի հարուստ է, սակայն պակաս ազատ: Ժառանգությունը փոխվեց, իմ շատ սիրելի փայտե տները ոչնչացված են: Ես տարիներ շարունակ հավաքում էի Ստամբուլի հին լուսանկարները: Ինքս էլ չգիտեմ թե ինչու էի դա անում: Երևի թե այդ լուսանկարները միակն են, ինչ մնացել է այդ ժամանակներից: Մարդիկ ոչնչացնում են և հետո նոստալգիա են ապրում, բայց այսօր նոստալգիա ապրելը քաղաքական տեսանկյունից սխալ է»:
Փամուքի խոսքերով՝ գլխավոր արժեքը, որ ինքը Եվրոպայում գնահատում է, դա ժողովրդավարությունն է, ինչպես նաև այն, որ այնտեղ հարգանք է ցուցաբերվում այլախոհների նկատմամբ:
«Միշտ հիշում եմ իմ տան՝ Ստամբուլի մասին: Եթե նույնիսկ ձեր տունը փոխվում է, միևնույնն է դա ձեր տունն է և այն չի փոխվի ձեզ համար: Սակայն այժմ քաղաքական դրդապատճառներից ելնելով՝ այնտեղ չեմ ապրում: Եվ մենք չենք կարող մոռանալ, որ վերջին ընտրություններում Ստամբուլի 50 տոկոսը քվեարկեց Էրդողանին դեմ: Այսինքն ես միակը չեմ, ով այդպես է մտածում»,-եզրափակել է թուրք գրողը:
Այս ենթաբաժնի վերջին նորությունները
Եթե դիտարկենք երկրի ընդհանուր բնակչության թիվը, ապա 2018թ. ծերերը կազմում էին քաղաքացիների 8.8%-ը, իսկ 2023-ին՝ արդեն 10.2%-ը։
Թուրքիայի Սինոպ քաղաքը համարվում է տարեց բնակչության ամենաբարձր ցուցանիշ ունեցող քաղաքը, իսկ ամենացածր ցուցանիշ ունեցող քաղաքը համարվում է Շըրնաքը։
Գյոլբաշ գյուղում առատ ձյան տեղումների և բքի հետևանքով բնակիչների տներն անցել են ձյան տակ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |