Միջազգային11:12, 11 Հոկտեմբեր 2017
Պենտագոնը թուրք-ամերիկյան լարվածության վերաբերյալ հայտարարություն է արել
ԱՄՆ պաշտպանության նախարարությունը Թուրքիայի և ԱՄՆ-ի միջև վիզաների դադարեցման խնդրի վերաբերյալ հայտարարություն է արել։
Թուրքական «Takvim.com.tr» լրատվակայքի տեղեկացմամբ՝ Պենտագոնի խոսնակ Ռոբերտ Մենինգը մասնավորապես ասել է․ «Թուրքիան կոալիցիոն գործընկեր է և ՆԱՏՕ-ի դաշնակիցը։ Հավաստիացնում եմ, որ այս զարգացումները չեն ազդի այնտեղի մեր գործողությունների վրա։
Ինջիրլիքում տեղակայված Թուրքիայի օդուժը շարունակում է ՆԱՏՕ-ի և կոալիցիայի շրջանակներում իր կարևոր դերը կատարել։ Ինջիրլիքից և Թուրքիայի մյուս ռազմաբազաներից «Իսլամական պետության» (ԻՊ-DEAŞ) դեմ իրականացվող մեր ռազմագործողությունները շարունակվում են և այսուհետև ևս համատեղ և առանձին գործողությունները կշարունակվեն»։
Թուրքական աղբյուրի բնորոշմամբ՝ Պենտագոնը այս հայտարարությամբ զիջում է իր դիրքերը, մեղմացնում է ավելի վաղ ցուցաբերած կոշտ դիրքորոշումը։
«ԱՄՆ-ն, տեսնելով Թուրքիայի վճռական դիրքորոշումը, «Խնդրում ենք, մեզ Ինջիրլիքից դուրս մի արեք» նշանակությամբբ ուղերձ է հղել», - եզրակացնում է թուրքական թերթը։
Աղբյուրը հիշեցնում է, որ 1974թ․ Կիպրոսի հիմնախնդրի հետ կապված զարգացումների ընթացքում էլ ԱՄՆ-ն նմանատիպ կոշտ դիրքորոշում էր որդեգրել, ինչի հետևանքով Թուրքիայի այն ժամանակվա վարչապետ Նեջմեթթին Էրբաքանը փակել էր Ինջիրլիքի ռազմաբազան։
Այս ենթաբաժնի վերջին նորությունները
ՄԱԿ-ի անվտանգության խորհրդի նիստում ելույթ ունեցած Պիրսը վկայակոչել է «Wall Street Journal» թերթում Էրդողանի հեղինակած հոդվածը:
Կարևորելով ծայրահեղականների դեմ պայքարը՝ Մերկելը միևնույն ժամանակ ընդգծել է խաղաղ բնակչությանը պաշտպանելու անհրաժեշտությունը:
«Թուրքիա, Աֆղանստան, Իրաք, Սիրիա, Ռումինիա, Սոմալի, Ուզբեկստան և Մարոկո մեկնող ինքնաթիռները պատրաստվում են թռիչքի: Փախստականները թող նստեն ինքնաթիռ և լքեն Շվեդիան»:
Ուղիղ խոսք
Եթե Եվրամիությունը բացեիբաց ասի՝ Թուրքիային չենք ընդունելու, մենք էլ կհանգստանանք ու կանցնենք մեր «B» և «C» պլաններին:
ամենաշատ ընթերցված
Բինալի Յըլդըրըմը Ղարաբաղյան հիմնահարցն անվանել է տարածաշրջանը փտախտի ենթարկող խնդիր:
Գերմանաբնակ թուրք պատգամավոր Սևիմ Դաղդելենը հայտարարել է, որ Էրդողանի հետ ճաշելու փոխարեն նախընտրում է մասնակցել նրա դեմ կազմակերպվելիք բողոքի ակցիային:
Ամերիկյան «Wall Street Journal» թերթը անդրադարձել է Թուրքիայում ձերբակալված Էնդրյու Բրանսոնի հնարավոր ազատ արձակման վերաբերյալ թուրք և ամերիկացի պաշտոնյանների դիտարկումներին:
Օրացույց
արտարժույթ
| EUR | TRY | USD |
| 564.60 | 77.03 | 482.44 |