Եվրահանձնաժողովի նախագահ. «Թուրքիան հսկայական քայլերով հեռանում ԵՄ-ից»

Քաղաքական09:31, 02 Հոկտեմբեր 2017

Եվրահանձնաժողովի նախագահ. «Թուրքիան հսկայական քայլերով հեռանում ԵՄ-ից»

Եվրահանձնաժողովի նախագահ Ժան Կլոդ Յունկերը հայտարարել է, որ Թուրքիան հսկայական քայլերով հեռանում է Եվրամիությունից (ԵՄ):

Ըստ թուրքական «Aydinlik» լրատվակայքի՝ Յունկերը այդ մասին ասել է գերմանական «Bild» պարբերականի հետ զրույցում:

Նա, խոսելով ԵՄ-Թուրքիա հարաբերությունների մասին, շեշտել է, որ չպետք է թույլ տալ Անկարային եվրաանդամակցության հարցում ունեցած անհաջողությունները բարդել ԵՄ-ի վրա:

«Թուրքիայում մի մեծ շերտ կա, որ Եվրոպայի կողմնակից է, հենց այդ շերտին էլ պետք է ուժեղացնենք և չհիասթափեցնենք»,-ասել է Յունկերը:

Հիշեցնենք, որ երեկ Թուրքիայի նախագահ Ռեջեփ Թայիփ Էրդողանը ասել էր. «Պարզ հայտարարում եմ, որ այս գործընթացը դադարեցնեղը, սրբիչ նետողը մենք չենք լինելու: Իրականում մենք Եվրամիությանն անդամակցելու կարիք արդեն չունենք: Եթե ԵՄ-ն ուզում է թռիչք կատարել, ապա դրա միակ ճանապարհը Թուրքիային անդամ դարձնելով տնտեսապես և մշակութապես ընդարձակվելն է: Եթե ԵՄ-ն դա անի, ապա մենք ուրախ կլինենք Եվրոպայի ապագայի մեջ ներդրում ունենալու համար: Եթե ԵՄ-ն այդպես չանի, մեզ համար կարևոր չէ: Մենք կշարունակենք առաջ շարժվել մեր ճանապարհով»:

Աղբյուր` Ermenihaber.am

Այս ենթաբաժնի վերջին նորությունները

11:50, 12 հուն

Թուրքիայի և Սաուդյան Արաբիայի ԱԳ նախարարները քննարկել են Գազայի իրավիճակը

Զրուցակիցներն անդրադարձել են նաև Պաղեստինի հարցով առաջիկա տարածաշրջանային հանդիպումների կազմակերպմանը:

13:13, 11 հուն

ԱՄՆ Կոնգրեսի հատուկ նիստում քննարկվել է Թուրքիայում մարդու իրավունքների խախտումների հարցը

Կոնգրեսում նման քննարկումները կարող են ազդել թե՛ Թուրքիայի միջազգային հեղինակության վրա և թե՛ ԱՄՆ-ի հետ հարաբերություններում նրա նկատմամբ պահանջների խստացման վրա։

16:00, 10 հուն

ՄԱԿ-ի բանագնացը Թուրքիային կոչ է անում դադարեցնել Իսրայելին զինտեխնիկայի մատակարարումը

«The Ditch» հետազոտական հարթակի փաստաթղթերը վկայում են, որ Թուրքիան, չնայած իր հրապարակային հռետորաբանությանը, գործնականում շարունակում է առևտրային կապերը Իսրայելի ռազմական արդյունաբերության հետ։