Տարածաշրջան08:31, 14 Սեպտեմբեր 2017
Թուրքիայի ԱԳՆ. «Իրաքի Քուրդիստանում հանրաքվե անցկացնելու գինը ծանր է լինելու»
Իրաքի խորհրդարանը սեպտեմբերի 12-ի նիստում մերժել է քրդական ինքնավարության նախաձեռնած անկախության հանրաքվեն: Ինչից հետո թեմայի վերաբերյալ հայտարարություն է տարածել նաև Թուրքիայի արտաքին գործերի նախարարությունը:
Ըստ թուրքական «Haberler.com» լրատվական կայքի՝ Թուրքիայի ԱԳՆ-ը անվերապահ աջակցություն է հայտնել Իրաքի խորհրդարանի որոշմանը՝ հայտարարելով, որ եթե Իրաքի Քուրդիստանի ղեկավար Մասուդ Բարզանին շարունակի համառել հանրաքվեի հարցում, ապա դրա գինը ծանր է լինելու:
«Իրաքի ներկայացուցիչների պալատի սեպտեմբերի 12-ի որոշումն ընդունում ենք, որպես հղում Իրաքի քաղաքական միասնության ու տարածքային ամբողջականությանը և մեր անվերապահ աջակցությունը հայտնում նշյալ որոշմանը: Իրաքի Քուրդիստանի տարածքային ղեկավարությունը պետք է հաշվի առնի, որ հակառակ բոլոր հորդորներին՝ հանրաքվեի անցկացման վերաբերյալ իր դիրքորոշումը համառորեն չփոխելու դեպում անպայման դրա համար գին է վճարելու: Այդ պատճառով քրդական ղեկավարությանը խորհուրդ ենք տալիս ողջամտություն ցուցաբերել և ժամ առաջ հրաժարվել այդ սխալ ճանապարհից»,- ասված է հայտարարության մեջ:
Թուրքական աղբյուրը տեղեկացնում է նաև, որ Իրաքի Սելահեթթին քաղաքի քաղաքային խորհուրդը ևս մերժել է Իրաքի Քուրդիստանի կազմում մասնակցել սեպտեմբերի 25-ին նախատեսվող անկախության հանրաքվեին:
Հիշեցնենք, որ Իրաքի խորհրդարանում սեպտեմբերի 12-ին կայացած քվեարկության արդյունքում անկախության հանրաքվեն մերժվել է:
Ավելի վաղ Հյուսիսային Իրաքի Քրդական Ինքնավարությունը որոշում էր կայացրել՝ սեպտեմբերի 25-ին անկախության հանրաքվե անցկացնելու մասին: Անկախության հանրաքվեին դեմ էին արտահայտվել Իրանի Իսլամական Հանրապետությունը և Թուրքիան: Վերջիններիս նշում էին, որ անկախության հանրաքվեով կխախտվի Իրաքի տարածքային ամբողջականությունը, ինչպես նաև տարածաշրջանում կստեղծվի քաոսային իրավիճակ:
Այս ենթաբաժնի վերջին նորությունները
Հրդեհի հետևանքով տուժվել է կենտրոնում գտնվող 17 խանութ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Պատարագի մատուցման նախապատրաստական աշխատանքներն ընթացքի մեջ են։
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Թուրքիայի նախագահ Ռեջեփ Թայիփ Էրդողանը Չինաստանից վերադարձի ճանապարհին ինքնաթիռում պատասխանել է լրագրողների հարցերին։
Նշենք, որ ԵԱՀԿ նախարարների խորհուրդը որոշում էր կայացրել փակել ԵԱՀԿ Մինսկի խումբը և դրան կից կառույցները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |