Տարածաշրջան13:38, 24 Օգոստոս 2017
Թուրք ոստիկանները ճնշում են քուրդ տատիկին՝ կասկածելով թե նա հայ է
Թուրքիայի Դիարբեքիրի նահանգի Հազրո գյուղում բնակվող Սանիյե Էթքին անունով 76-ամյա քուրդ կինը պարբերաբար ճնշումների է ենթարկվում թուրք ոստիկանների կողմից: Ըստ հայկական «Ակոս»-ի՝ ճնշումների հիմնական պատճառներից մեկն այն է, որ քուրդ կնոջը կասկածում են հայ լինելու մեջ:
Էթքինի թոռնուհին հայկական պարբերականին պատմել է, որ քրդական հարցի նախկին ակտիվիստ իր տատիկի նկատմամբ երբեմն-երբեմն կիրառվող ճնշումները սկսել են առավել հաճախակի բնույթ ստանալ այն բանից հետո, երբ իրենց տուն եկած թուրք ուժայինները տանը Աստվածաշունչ են նկատել:
«Տատիկս Ղուրան կարդացող հավատացյալ մուսուլման է, բայց Աստվածաշունչ էլ է կարդում: Տան գրադարանում աստվածաշունչ էլ կա: Ոստիկանները նկատեցին տանը գտնվող Աստվածաշունչը: Այդ դեպքից հետո տատիկիս անընդհատ հարցնում էին «Դու հա՞յ ես: Եթե հայ ես, կարիք չկա թաքցնել, մեզ կարող ես ասել»: Դրանից հետո ոստիկանները գյուղում սկսեցին լուրեր տարածել թե իբրև տատիկս հայ է և թաքցնում է իր ինքնությունը»,- պատմել է Էթքինի թոռնուհին:
Վերջինս ավելացրել է, որ այդ դեպքից հետո իրենց տուն են այցելել նաև հայերեն խոսող քաղաքացիկան հագուստով ոստիկաններ ու փորձել հայերենով հաղորդակցվել տարեց կնոջ հետ:
Նշենք, որ Հազրո գյուղը Դիարբեքիրի՝ «Քուրդիստանի բանվորական կուսակցությանը» (PKK-ՔԲԿ) աջակցող գյուղերից է և թուրք ուժայինները այս ու հարակից գյուղերում հաճախ են պարետային ժամ հայտարարում՝ գործողություններ իրականացնելով քուրդ զինյալների դեմ:
Այս ենթաբաժնի վերջին նորությունները
Թուրքիայի տրանսպորտի և ենթակառուցվածքների նախարարությունը պատրաստվում է կիրառել «Ես լավ եմ և այստեղ եմ» հաղորդագրությունների համակարգը:
Ավերածությունների մասին տեղեկատվություն պաշտոնական աղբյուրներում դեռևս չկան:
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Հունաստանում այն դիտվում է որպես լուրջ մտահոգություն՝ իր աշխարհաքաղաքական հետևանքներով։
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |