Հոդված08:34, 24 Օգոստոս 2017
Մահչուփյանը չի կարծում, որ թուրք-իրանական համագործակցությունը կխորանա
![Մահչուփյանը չի կարծում, որ թուրք-իրանական համագործակցությունը կխորանա](https://www.ermenihaber.am/news_images/38/111661_2/fft107_mf4156504.jpeg)
Թուրքիայի նախկին վարչապետ Ահմեթ Դավութօղլուի նախկին խորհրդական և սյունակագիր Էթյեն Մահչուփյանը թուրք իրանական հարաբերությունների մասին հոդված է հրապարակել թուրքական «Diken» պարբերականում:
Հեղինակը նշում է, որ այս պահին գնալով աճող թուրք- իրանական մերձեցումը պայմանավորված է բացառապես 3 խնդրով.
1. «Իսլամական պետություն» (ԻՊ) ահաբեկչական կազմակերպության դեմ միասնական պայքար:
2. Համագործակցություն սահմանային անվտանգության շուրջ:
3. Համագործակցություն ոչ կոնֆլիկտային գոտիներում:
Սրանք այն հարցերն են, որտեղ թուրք-իրանական համագործակցությունը համակարգված է:
Ըստ նրա՝ երբ վերոնշյալ 3 խնդրից դուրս դիտարկվում է թուրք-իրանական համագործակցությունը, ապա այդ դեպքում չի նկատվում նույն համաչափությունը և համակարգվածությունը:
Մասնավորապես անդրադառնալով Հյուսիսային Իրաքի ինքնավար շրջանի հետ երկու երկրների հարաբերություններին՝ Մահչուփյանը նկատում է, որ այդ հարցն Իրանի օրակարգային խնդիրներից չէ: Իրանի քաղաքականության հետաքրքրությունը ավելի շատ տարածվում է դեպի Սիրիա, Լիբանան և բուն Իրաք: Բացի դրանից այդ երկրներում գործող զինված խմբավորումների մի մասն անուղղակիորեն կապված է Իրանի հետ:
Եվ այս պարագայում Թուրքիան հանդիսանում է օտար ուժ: Նման իրավիճակում Մահչուփյանի կարծիքով մի շարք հարցեր են առաջանում, թե որքանով է իրական թուրք-իրանյան համատեղ ցամաքային գործողությունները Իրաքյան Քուրդսիտանի Քանդիլ շրջանում, որտեղ գտնվում է «Քուրդիստանի բանվորական կուսակցության» (ՔԲԿ-PKK) գլխավոր ռազմաբազան:
Իսկ այն, որ Սիրիայի քրդերն այժմ համագործակցում են ԱՄՆ-ի հետ և աջակցություն ստանում, ըստ հոդվածի հեղինակի, դրա մեղավորը առաջին հերթին Թուրքիան է, քանի, որ վերջինս չկարողացավ իր պատմական ազդեցությունը տարածել տարածաշրջանի վրա:
Մահչուփյանը գալիս է այն այն եզրահանգման, որ Թուրքիայի և Իրանի համագործակցությունը Մերձավոր Արևելքում դժվարին գործընթաց է, քանի, որ մի շարք հարցեր կան, որտեղ երկու երկրները ընդհանրություններ բնավ չունեն: Ենթադրվում է, որ Մերձավոր Արևելքում Թուրքիան և Իրանը գործընկեր ու բարեկամ հազիվ թե դառնան:
Այս ենթաբաժնի վերջին նորությունները
![Իրանի նախագահի մահվան առեղծվածն ի՞նչ արձագանք է գտել Թուրքիայում](https://www.ermenihaber.am/news_images/92/275704_2/iran_kvnu_cover.thumb.jpg)
Կան նաև շրջանակներ, որոնք նկատի ունենալով իրենց երկրի նախագահ Ռեջեփ Թայիփ Էրդողանին, գրել են․ «Տարոսը մեզ»։
![Հայաստանի և Թուրքիայի միջև ապրանքաշրջանառության ցուցանիշները 2000-2024թթ.](https://www.ermenihaber.am/news_images/92/274075_2/arm_turk.thumb.jpg)
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
![Այսպես մինչև ե՞րբ, այսպես մինչև ո՞ւր](https://www.ermenihaber.am/news_images/92/273688_2/a_girl_putting_flowers_to_armenian_genocide_memorial_view_from_top.thumb.jpg)
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |