5 պատճառ, թե ինչու է Ռուսաստանին պետք դաշնակից լինել Թուրքիայի հետ

Հոդված08:40, 21 Օգոստոս 2017

5 պատճառ, թե ինչու է Ռուսաստանին պետք դաշնակից լինել Թուրքիայի հետ

Ռուս վերլուծաբան և քաղաքագետ Ռոստիսլավ Իշչենկոն նշել է հինգ պատճառ, թե ինչու է Ռուսաստանին անհրաժեշտ Թուրքիայի դաշնակցության կարիքը:

«Sputnik»-ի թուրքական ծառայության հաղորդմամբ՝ այդ պատճառները հետևյալն են.

1. Եթե Թուրքիան Ռուսաստանի դաշնակիցը լինի, Բոսֆորի և Դարդանելիի նեղուցները բաց կլինեն ռուսական նավատորմի համար: Ներկա պահին ռուսական նավերի համար նշյալ նեղուցների անցանելիությունը ապահովող միջազգային պայմանագրերը ամեն վայրկյան, և հատկապես ճգնաժամային պահերին, կարող են անվավեր համարվել:

2. Թուրքիան տարածաշրջանային խոշոր դերակատար է, և Թուրքիայի հետ բարեկամությունը Ռուսաստանի համար նախ և առաջ նշանակում է՝ կայունություն և ապահովություն Կովկասում, Ղրիմում և Ուկրաինայի հետ հարաբերություններում: Եթե Թուրքիան Ռուսաստանի բարեկամը չլինի, վերջինս պետք է մեծ չափով հզորացնի երկրի հարավային սահմաններում, Ղրիմում և Կովկասում իր ռազմական ներկայացվածությունը:

3. Թուրքիայի և Իրանի հետ բարեկամությունը Ռուսաստանի համար երաշխիք է, որ առաջիկայում սիրիական ճգնաժամը կհանգուցալուծվի, տարածաշրջանում երկարատև խաղաղություն կհաստատվի, ինչպես նաև՝ կապահովի Ռուսաստանի ներկայացվածությունը Միջին Արևելքում, ինչը վերջինիս համար շատ կարևոր է:

4. Նման դաշնակցությունը կչեզոքացնի ՆԱՏՕ-ի և ԱՄՆ-ի ձեռքում եղած «թուրքական հաղթաթուղթը»՝ շահեկան աշխարհագրական դիրքն ու Եվրոպայի ամենամրցունակ բանակը, որն օգտագործվում է Ռուսաստանին կաշկանդելու համար:

5. Կովկասի և Միջին Ասիայի թուրքական ժողովուրդները մշակութային և պատմական տեսանկյունից Թուրքիայի նկատմամբ հարազատություն են զգում: Հետևաբար երկկողմ դաշնակցությունը հնարավորություն կտա մի կողմ դնելու Կասպից ծովի մինչև Մոնղոլիայի սահմանները եղած տարածքում ազդեցություն ունենալու համար տարվող մրցակցությունը. ենթադրաբար այս հարցում ևս Թուրքիան Ռւոսաստանի նկատմամբ բարեկամական մոտեցում կցուցաբերի:

Աղբյուր` Ermenihaber.am

Այս ենթաբաժնի վերջին նորությունները

16:20, 15 հուլ

Պոլսահայ գործիչ Մուրադ Մըխճըն մեկնաբանել է Փաշինյան-Էրդողան հեռախոսազրույցը

«Շնորհավորանքներն արժեքավոր են, բայց եթե ուզում են կարգավորում, դրա ճանապարհը նախ անցնում է երկրի ժողովրդավարության ամրապնդման, ժողովուրդների միջև կամուրջների կառուցման միջով»-գրել է նա:

15:56, 13 հուն

Կանայք և քաղաքականությունը Թուրքիայում․ Թանսու Չիլլերը վերադառնո՞ւմ է

Թուրքիայի առաջին կին վարչապետի անունը երկարատև դադարից հետո վերջերս կրկին թուրքական լրատվամիջոցների գլխագրերում է․ «Չիլլերն ակտիվ քաղաքականություն է վերադառնում»,-գրում է մամուլը։