Մշակութային12:03, 17 Օգոստոս 2017
Թուրքիայի Քոնյա նահանգի Աքշեհիր շրջանի հայկական եկեղեցին կվերանորոգվի
Թուրքիայի Քոնյա նահանգի Աքշեհիր շրջանում գտնվող հայկական եկեղեցին կվերանորոգվի: Թուրքիայում լույս տեսնող հայկական «Ակոս» թերթի կայքի տեղեկացմամբ՝ Հոջա Նասրեդդինի «Համաշխարհային հումորի գյուղ» նախագծի շրջանակներում վերանորոգվելուց հետո եկեղեցին կվերածվի մշակութային կենտրոնի: Իսկ եկեղեցու հարևանությամբ գտնվող քահանայատունը կծառայի որպես փոքրիկ հյուրատուն:
Նախագիծն իրականացվում է Աքշեհիրի քաղաքապետարանի և Թուրքիայի զարգացման նախարարության համագործակցությամբ: Աքշեհիրի քաղաքապետ Սալիհ Աքքայայի խոսքով՝ նախատեսվում է նաև տարածքում գտնվող հայկական բաղնիքի վերանորոգումը, որը, սակայն, կավարտվի առաջիկա տարիների ընթացքում:
«Համաշխարհային հումորի գյուղ» նախագծի համար շուրջ 5 մլն թուրքական լիրա արժողությամբ բյուջե է նախատեսվել, որից 1.72 մլն-ը կօգտագործվի 2017թ. ընթացքում:
Հավելենք, որ համաձայն Ռայմոնդ Գևորգյանի «Հայերը Օսմանյան կայսրությունում՝ 1915թ.-ից առաջ» գրքի՝ Քոնյա նահանգի Աքշեհիր շրջանում Հայոց ցեղասպանությունից առաջ 4.950 հայ էր բնակվում: Հայերն այստեղ 4 դպրոց և մեկ եկեղեցի ունեին՝ Սուրբ Երրորդությունը: Դպրոցներից Սուրբ Ստեփանոսը տարածաշրջանում հատկապես հայտնի էր կրթության բարձր մակարդակով: Շրջանում բնակվող հայերը հատկապես զարգացրել էին գորգագործությունը, կաշեգործությունը, երկաթագործությունը:
Այս ենթաբաժնի վերջին նորությունները
Ֆիլմի մի մասը նկարահանվել է Թուրքիայի Նիղդե նահանգում և Կապադովկիայում:
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:
Թուրքիայի նախագահը գոհունակություն է հայտնել Պակիստանի և Հյուսիսային Կիպրոսի ինքնահռչակ թուրքական Հանրապետության միջև հարաբերությունների զարգացման վերաբերյալ։
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |